ئاراپاتتا ۋاقۇپتا تۇرغاندىن كېيىن ئاپتوبۇسلار بىلەن مۇزدەلىپەگە ئۆتكەن ھاجى نامزاتلىرى، بۇ يەردە ناماز ئوقۇپ، ۋاقۇپ دۇئاسىنى قىلغاندىن كېيىن شەيتانغا تاش ئېتىش ئۈچۈن تاش يىغدى.
مۇسۇلمانلار، كېچە يېرىمىدىن باشلاپ كارۋانلار ھالىتىدە تەخمىنەن 3.5 كىلومېتىرلىق يولنى پىيادە بېسىپ جەمەراتتىكى شەيتانغا تاش ئېتىش مەيدانىغا يېتىپ كەلدى ۋە چوڭ شەيتان دەپ ئاتىلىدىغان «ئاقابە جەمرىسى»گە 7 تاش ئاتتى.
شەيتانغا تاش ئېتىپ بولغاندىن كېيىن يەنە پىيادە مېڭىپ يېتىپ كەلگەن كەئبىدە زىيارەت تاۋاپى ۋە سەينى ئادا قىلغان مۇسۇلمانلار، چاچلىرىنى ئالدۇرغاندىن كېيىن ئېھرامدىن چىقتى.
بۇنداق قىلىپ ئۆز ۋەزىپىلىرىنى تاماملانغان مۇسۇلمانلار ھاجى بولدى.
ئېھرامدىن چىققان بەزى ھاجىلار بولسا ھېيت مەزگىلىدە زىيارەت تاۋاپى ۋە سەيئىنى ئادا قىلىشنى داۋاملاشتۇرىدۇ.
خىزمەتچىلەر ۋە خەير-ساخاۋەتچىلەر ئېھسانلاردا بولدى
ئاراپات ۋاقۇپىسىدىن كەبىگىچە بولغان مۇساپە جەريانىدا ھاجىلارغا، ھەم خىزمەتچىلەر ھەم خەير-ساخاۋەتچىلەر تەرىپىدىن يول بويى سۇ، خۇرما ۋە يېمەكلىكلەر تارقىتىلدى.
بۇنىڭ بىلەن بىرگە ھاجىلار، ھېيتنىڭ ئىككىنچى ۋە ئۈچۈنچى كۈنلىرىدىمۇ شەيتانغا تاش ئېتىشنى داۋاملاشتۇرىدۇ.
كارۋانلار ھالىتىدە جەمەرات رايونىغا يېتىپ بارىدىغان ھاجىلار، مۇزدەلىپە رايونىدىن يىغقان يەتتىدىن تاشنى ھېيتنىڭ ئىككىنچى ۋە ئۈچۈنچى كۈنلىرىدە تەرتىپ بىلەن كىچىك، ئوتتۇرا ۋە چوڭ شەيتانغا ئاتىدۇ.
شەيتانغا تاش ئېتىپ بولغاندىن كېيىن مەككىدىن ئايرىلىدىغان ھاجىلار كەبىگە بېرىپ ۋىدا تاۋاپىنى ئادا قىلىدۇ.
