سۈرىيە ئىچكى ئىشلار مىنىستىرلىقى پەيشەنبە (16-ئىيۇل) كۈنى بايانات ئېلان قىلىپ، سۈرىيە دائىرىلىرىنىڭ لىۋاندىكى ھىزبۇللاھ تەشكىلاتى ئۈچۈن ئىراق چېگراسىدىن دۆلەتكە كىرگۈزۈلمەكچى بولغان زور مىقداردىكى ئىلغار قورال-ياراغلارنى توسۇپ قالغانلىقىنى جاكارلىدى. مىنىستىرلىقنىڭ بىلدۈرۈشىچە، ئالاھىدە قىسىملار چېگراغا يېقىن جايدا توختىتىلغان گۇمانلىق بىر ئاپتوموبىلنى بايقىغاندىن كېيىن، قوراللار سۈرىيە زېمىنىغا كىرىشتىن بۇرۇن توختىتىۋېلىنغان. ئاپتوموبىلنى تەكشۈرۈش جەريانىدا، ئۇزۇن مۇساپىلىق باشقۇرۇلىدىغان بومبا، تانكا ئاتار باشقۇرۇلىدىغان بومبا ۋە ئۇچقۇلارنى ئۆز ئىچىگە ئالغان بىر قورال ئىسكىلاتىنىڭ بايقالغانلىقى بىلدۈرۈلدى.