گۇۋاھچىلارنىڭ تارتقان ۋىدېيوسىدا، ھورمۇز بوغۇزى ئەتراپىدا بىر پاراخوت ئوق تېگىپ چۆكۈپ كەتكەندىن كېيىن، ئومان دېڭىزىدا لەيلەپ يۈرگەن كونتېينېرلار ۋە قالدۇقلار كۆرسىتىلدى.

 دېڭىز بىخەتەرلىكى مەنبەلىرىنىڭ خەۋىرىگە قارىغاندا، سىنگاپور بايرىقى ئېسىلغان كىچىك تىپتىكى «GFSPride»  يۈك پاراخوتى 2824 دانە كونتېينېر سىغدۇرالايدىغان بولۇپ، بوغۇزدىن ئۆتۈپ كېتىۋاتقاندا ئوق تېگىپ چۆكۈپ كەتكەن. سىنگاپور دېڭىزچىلىق ۋە پورت باشقۇرۇش ئىدارىسى چارشەنبە (2026-يىلى 14-ئۆكتەبىر) كۈنى بايانات ئېلان قىلىپ: «GFSPride»  پاراخوتى ھۇجۇمغا ئۇچراپ ئوت كەتكەن ۋە دېڭىزغا چۆكۈپ كەتكەن.  21 پاراخوت ئەزاسىنىڭ ھەممىسى بىخەتەر ھالدا تارقاقلاشتۇرۇلغان. ھېچقانداق يارىلىنىش كۆرۈلمىگەن» دېدى.

باياناتتا، پاراخوتنىڭ سەيشەنبە (13-ئۆكتەبىر) كۈنى بوغۇزدىن ئۆتۈپ كېتىۋاتقانلىقى ئەسكەرتىلدى.