19-ئاۋغۇست كۈنى پېنسىلۋانىيەدىكى كارلىس ئايرودۇرۇمى (Carlisle Airport) ئەتراپىدا بىر كىچىك ئايروپىلان بىلەن پېنسىلۋانىيە ئىشىتاتلىق ساقچى ئىدارىسىنىڭ بىر تىك ئۇچارى ئاسماندا سوقۇلۇپ كەتتى.

فېدېراتسىيە ئاۋىياتسىيە ئىدارىسى (FAA)، سېسنا 150 (Cessna 150) تىپلىق ئايروپىلان بىلەن بېل 407 (Bell 407) تىپلىق تىك ئۇچارنىڭ ئاسماندا سوقۇلۇپ كەتكەنلىكىنى، تىك ئۇچاردا ئىككى كىشىنىڭ، ئايروپىلاندا بولسا، بىر قانچە كىشىنىڭ بارلىقىنى ئېلان قىلدى. فېدېراتسىيە ئاۋىياتسىيە ئىدارىسى بىلەن دۆلەتلىك قاتناش بىخەتەرلىكى كومىتېتىنىڭ (NTSB) ۋەقەنى تەكشۈرۈشى كۈتۈلمەكتە.