ئاۋسترالىيە تاشقى ئىشلار مىنىستىرى پېننىي ۋوڭ (Penny Wong) پەيشەنبە (2026-يىى 20-ئاۋغۇست) كۈنى ئىسرائىلىيەنىڭ باش ئەلچىسىنى چاقىرتىپ، ئىسرائىلىيە ئارمىيەسىنىڭ 2024-يىلى غەززەدىكى ھاۋا ھۇجۇمىدا جېنىدىن ئايرىلغان ئاۋسترالىيەلىك ياردەم خادىمىنىڭ ئۆلۈمىگە قارىتا جىنايى ئىشلار دېلوسى تۇرغۇزماسلىق قارارىدىن «قاتتىق غەزەپلەنگەنلىكى» نى بىلدۈردى.

ئىسرائىلىيە ئارمىيەسى چارشەنبە (19-ئاۋغۇست) كۈنى تەكشۈرۈپ، پاكىت توپلاش  خىزمىتىدىن كېيىن، ئاۋسترالىيەلىك زومى فرانككوم (Zomi Frankcom) نى ئۆز ئىچىگە ئالغان «دۇنيا مەركىزى ئاشخانىسى» (World Central Kitchen) خەير-ساخاۋەت ئورگىنىنىڭ يەتتە ياردەم خادىمىنىڭ ئۆلتۈرۈلۈشىنى تەكشۈرۈش ئۈچۈن ھېچقانداق ئاساس تاپالمىغانلىقىنى ئېلان قىلغان ئىدى.