ب د ت باش كاتىپى ئانتونىيو گۇتېررېس ئىشغال ئاستىدىكى ئىيوردان دەرياسىنىڭ غەربىي قىرغىقىدىكى ئىسرائىلىيە قىلمىشلىرىنىڭ «تىنچلىققا بارىدىغان يولنى ۋەيران قىلغانلىقىنى ۋە ئىرقىي تازىلاش قورقۇنچىنى كۈنتەرتىپكە ئېلىپ كەلگەنلىكى»نى بىلدۈردى.
بىرلەشكەن دۆلەتلەر تەشكىلاتى ئومۇمىي كېڭىشىنىڭ ئېچىلىش مۇراسىمىدا سۆز قىلغان گۇتېررېس، پەلەستىن زېمىنىدا كۈچىيىۋاتقان زوراۋانلىق، مەجبۇرىي كۆچۈرۈش ۋە ئۈزلۈكسىز كېڭىيىۋاتقان كۆچمەنلەر رايونى قۇرۇلۇشىنى ئەيىبلىدى.