ئەمدىلا ئىككى ياشقا كىرگەن پەلەستىنلىك بالا سەند ئىسلام ئەلئارجانىڭ ئېغىرلىقى ئاران يەتتە كىلوگىرام كېلىدۇ. ئۇ ئېغىر دەرىجىدە ئوزۇقلۇق يېتىشمەسلىك، ھەرىكەت ئىقتىدارىنىڭ تەرەققىياتى ئاستا بولۇش ۋە تەكرارلىنىپ تۇرىدىغان ساغلاملىق مەسىلىلىرىدىن ئازابلانماقتا. ئانىسى مەيسۇن دۇنيا سەھىيە تەشكىلاتىغا ئىلتىماس قىلىپ، ئوغلىنى يۆتكەپ داۋالاشنى تەلەپ قىلماقتا، چۈنكى پەلەستىننىڭ غەززە رايونىدا ئوغلىغا تېخىچە ئېنىق دىياگنوز قويۇلالمىدى.