پاكىستان ساقچى ئەمەلدارىنىڭ ئېيتىشىچە، پاكىستاننىڭ غەربىي شىمالىدىكى يول ياقىسىدا يۈز بەرگەن ئىككى قېتىملىق بومبا پارتلاشتا ئاز دېگەندە يەتتە كىشى جېنىدىن ئايرىلغان، بىر قانچە كىشى يارىلانغان.
بۇ ۋەقە شەنبە (2026-يىلى 19-ئىيۇن) كۈنى غەربىي شىمالدىكى خەيبەر پاختۇنخۋا ئۆلكىسىنىڭ باننۇ (Bannu) رايونىدا يۈز بەرگەن بولۇپ، بۇ رايون ئافغانىستان چېگراسىغا يېقىن، ۋەزىيىتى تۇراقسىز بولغان شىمالىي ۋەزىرىستان قەبىلىلەر رايونى بىلەن چېگرالىنىدۇ.
بومبىلار يول بويىغا ئالدىن كۆمۈپ قويۇلغان بولۇپ، رايونلۇق ساقچى باشلىقى ياسىر ئافرىدىنىڭ مۇخبىرلارغا بىلدۈرۈشىچە، بىرىنچى قېتىملىق پارتلاش بىر كىچىك يولۇچىلار ئاپتوبۇسى يولدىن ئۆتۈۋاتقاندا پارتلىتىلغان ۋە بەش كىشىنىڭ ئۆلۈشىنى، ئۈچ كىشىنىڭ يارىلىنىشىنى كەلتۈرۈپ چىقارغان.
ئىككىنچى قېتىملىق پارتلاش بولسا، يەرلىك كىشىلەر جەسەت ۋە يارىدارلارنى قۇتقۇزۇش ماشىنىلىرىغا يۆتكەۋاتقان ۋاقىتتا يۈز بەرگەن. ئىككىنچى پارتلاشتا ئاز دېگەندە ئىككى كىشى جېنىدىن ئايرىلغان.
باننۇ رايونىدىكى ساقچى ئەمەلدارى ياسىر ئافرىدى مۇنداق دېدى: «يولۇچىلارنى توشۇۋاتقان بىر شەخسىي پىكاپ يىراقتىن كونترول قىلىنىدىغان پارتلاتقۇچ (IED) بىلەن پارتلىتىۋېتىلگەن. يارىدارلارنى قۇتقۇزۇش ئۈچۈن ماشىنا بىلەن دوختۇرخانىغا يۆتكىلىۋاتقاندا، ئىككىنچى بومبا پارتلىغان.»
ئۇ ئىككىنچى پارتلاشتا يەنە ئۈچ كىشىنىڭ يارىلانغانلىقىنى بىلدۈردى.
مۇناسىۋەتلىك ئۇچۇرلارTRT World - 26 terrorists killed in strikes along Afghanistan border, Pakistan says
