سىياسەت
3 مىنۇت ئوقۇش
ترامپ: ئىران ئۇرۇشىنى ئاخىرلاشتۇرۇش ئۈچۈن خىتاي ياكى رۇسىيەدىن ياردەم سورىمايمىز
ئامېرىكا پىرېزىدېنتى دونالد ترامپ ئىراننىڭ كېلىشىم تۈزۈشنى خالايدىغانلىقىنى، ئەمما ئۇرۇشنى ئاخىرلاشتۇرۇش ئۈچۈن ھېچكىمدىن ياردەم سورىمايدىغانلىقىنى بىلدۈردى.
ترامپ: ئىران ئۇرۇشىنى ئاخىرلاشتۇرۇش ئۈچۈن خىتاي ياكى رۇسىيەدىن ياردەم سورىمايمىز
President Donald Trump and President of China Xi Jinping prior to their bilateral meeting in Kylin Villa in Shenzhen, China, on November 19 2026.

ئاسىيا–تىنچ ئوكيان ئىقتىسادىي ھەمكارلىق تەشكىلاتى (APEC) باشلىقلار يىغىنىغا قاتنىشىش ئۈچۈن خىتايغا بارغان ترامپ «فوكس نيۇز» قانىلىغا بايانات بەردى.

مۇخبىرنىڭ «ئىراندىكى ئۇرۇشنى ئاخىرلاشتۇرۇش ئۈچۈن خىتاي ياكى رۇسىيەدىن ياردەم سوراش پىلانىڭىز بارمۇ؟» دېگەن سوئالىغا ترامپ: «بىلىسىز، بىزنىڭ ياردەمگە ئېھتىياجىمىز يوق» دەپ جاۋاب بەردى.

ئامېرىكانىڭ ئىراننىڭ دېڭىز ئارمىيەسىنى يوقىتىپ، ھاۋا ئارمىيەسىنى مەغلۇپ قىلغانلىقىنى ئىلگىرى سۈرگەن ترامپ: «ئىرانلىقلار كېلىشىم تۈزۈشنى خالايدۇ، شۇڭا ياردەمگە ئېھتىياجىم يوق. ھېچكىمدىن ياردەم سورىمايمەن» دېدى.

ترامپ ئىران بىلەن ئىمزالانغان رامكا كېلىشىمىنى «ۋاقىت ئىسراپچىلىقى» دەپ ئاتىدى

ترامپ ئىراننىڭ يادرو ئەسلىھەلىرىگە زەربە بەرگەنلىكىنى، شۇ سەۋەبتىن ئىراننىڭ بىيولوگىيەلىك قوراللارغا يۈزلەنگەنلىكىنى ئىلگىرى سۈردى. ئىراننىڭ ۋاشىنگتونغا «مەينەت بومبا» بىلەن ھۇجۇم قىلىدىغانلىقى توغرىسىدىكى دەۋالار ھەققىدە بولسا ئۇ: «ۋاشىنگتون ئاھالىلىرىنىڭ ئەنسىرىشىگە ھاجەت يوق. ئەگەر بۇنداق ئىش يۈز بېرىپ قالسا، ئۇلارنى يوقىتىپ تاشلايمىز. بۇ مېنىڭ سىلەرگە بەرگەن ۋەدەم بولسۇن» دېدى.

ترامپ ئىران بىلەن ئىمزالانغان رامكا كېلىشىمىغا «ۋاقىت ئىسراپچىلىقى» دەپ باھا بېرىپ: «بەزى ئىشلارنى كېچىكتۈردۈم، ئەمما بۇ كېلىشىم خاتالىق ئەمەس ئىدى. بۇ جەرياندا ئىراننى تېخىمۇ ياخشى تونۇدۇق، ئۇلارنىڭ ئىشەنچلىك ئەمەسلىكىنى چۈشىنىپ يەتتۇق» دېدى.

مۇئاۋىن پىرېزىدېنت جېي دى ۋانسنىڭ ئىران بىلەن بولغان سۆھبەتلەردىن چەتلەشتۈرۈلگەنلىكىگە دائىر دەۋالار ھەققىدىكى سوئالغا، ترامپ: «ياق، ئۇ خىزمىتىنى ياخشى ئىشلەۋاتىدۇ» دەپ جاۋاب بەردى.

ئىران بىلەن بولغان سۆھبەتلەرنىڭ يەنىلا داۋاملىشىۋاتقانلىقىنى بىلدۈرگەن ترامپ: «ئۇلار كېلىشىم تۈزۈشنى خالايدۇ، بىراق مەن ئۇزاق مۇددەت كۈچكە ئىگە بىر كېلىشىم تۈزۈشنى خالايمەن» دېدى.

ترامپ ئەگەر ئۆزى 2020-يىللىق پىرېزىدېنت سايلىمىدا مەغلۇپ بولمىغان بولسا، رۇسىيە–ئۇكرائىنا ئۇرۇشىنىڭ ئەسلا پارتلىمايدىغانلىقىنى ئىلگىرى سۈردى ۋە بۇ ئۇرۇشنىڭ يېقىندا قانداقلا بولمىسۇن ئاخىرلىشىدىغانلىقىنى ئېيتتى.

«خىتاي بىلەن ناھايىتى ياخشى مۇناسىۋىتىم بار»

ترامپ خىتاي بىلەن بولغان مۇناسىۋىتى توغرىسىدا: «خىتاي بىلەن ناھايىتى ياخشى مۇناسىۋىتىم بار. بۇ دوستلۇق ۋە ھۆرمەتكە تايانغان مۇناسىۋەت» دېدى.

خىتاي رەئىسى شى جىنپىڭنىڭ ئۆزىنى ئايرودرومدا شەخسەن كۈتۈۋالغانلىقىنى تىلغا ئالغان ترامپ بۇنى «خىتاي تارىخىدا ئىلگىرى كۆرۈلۈپ باقمىغان ئىش» دەپ تەسۋىرلەپ: «بۇ خىتاي ئۈچۈنمۇ، بىز ئۈچۈنمۇ چوڭ ئۇتۇق» دېدى.

ترامپ ھازىر ئامېرىكانىڭ 4 مىڭ، رۇسىيەنىڭ 3 مىڭ 800، خىتاينىڭ بولسا 400 دىن 500 گىچە يادرو قورالى بارلىقىنى ئېيتتى. ئۇ خىتاينىڭ تەخمىنەن ئون يىل ئىچىدە ئارىدىكى بۇ پەرقنى تولۇقلاپ يېتىشىۋالالايدىغانلىقىنى بىلدۈرۈپ: «بۇنداق بولماسلىقىنى ئەۋزەل كۆرىمەن» دېدى.

خىتاينىڭ ئىرانغا ئىستىخبارات ئۇچۇرى بەرگەنلىكى سەۋەبلىك تەنقىدكە ئۇچراۋاتقانلىقىغا ئىشارەت قىلغان ترامپ مۇنداق دېدى: «بىزمۇ ئىستىخبارات ئۇچۇرى بېرىمىز. ئۇكرائىناغا قاراڭلار، بىزمۇ ئۇچۇر بېرىۋاتىمىز. ئۇلار ‹ئاھ، بىزنى كۆزىتىۋاتىدۇ› دەيدۇ. بىزمۇ ئۇلارنى كۆزىتىۋاتىمىز. مېنىڭچە، بىز ئۇلاردىنمۇ ياخشىراق كۆزىتىمىز. بۇنى سىلەرگە دەپ بېرەلمەيمەن، نېمە قىلىۋاتقانلىقىمىزنى ئېيتالمايمەن، ئەمما شۇنداق دەيلى: ‹ھەممە نەرسىنى بىلىمەن.›»

شى جىنپىڭ بىلەن بولغان ئۇچرىشىشتا Nvidia مەسىلىسىمۇ تىلغا ئېلىنغان

ترامپ تۈنۈگۈن كەچتە شى جىنپىڭ بىلەن بىللە كەچلىك تاماق يېگەنلىكىنى، ئۇچرىشىشتا Nvidia شىركىتىنىڭ سابىق باش ئىجرائىيە ئەمەلدارى جېنسېن خۇاڭ مەسىلىسىنىڭمۇ تىلغا ئېلىنغانلىقىنى بىلدۈردى. ئۇ: «خۇاڭنىڭ بېشىغا كەلگەن ئىش بىر پاجىئە، ئۇ ناھايىتى ئەقىللىق ئادەم» دېدى.

ئامېرىكادا نۇرغۇن «تالانت ئىگىلىرى»نىڭ يېتىشىپ چىققانلىقىنى تىلغا ئالغان ترامپ: «تۇنجى پىرېزىدېنتلىق مەزگىلىمدە ئېلون ماسكقا كۆپ ياردەم قىلدىم. ئۇ چاغلاردا ئۇنى نۇرغۇن كىشى تونۇمايتتى، بەلكىم بۈگۈن بىزنىڭ ئېلونىمىز بولمىغان بولاتتى. تالانت ئىگىلىرىمىزنى قوغدىشىمىز كېرەك» دېدى.

خۇاڭنىڭ خىتاي جاسۇسى ئىكەنلىكى ئىلگىرى سۈرۈلگەن بىر ئايال بىلەن بولغان مۇناسىۋىتىنىڭ ئامېرىكانىڭ دۆلەت بىخەتەرلىكىگە تەھدىت سالىدىغان-سالمايدىغانلىقى سورالغاندا ترامپ مۇنداق جاۋاب بەردى:

«ئۇ ناھايىتى يېقىملىق بىر ئايال ئىدى. خىتايدىن كەلگەن، ئۇلار ئۇنى جاسۇس دەپ قارايدۇ. مەن ئۇنىڭ جاسۇس ئىكەنلىكىنى ئاڭلىمىدىم، ئۇ ئۆزەك سېتىۋالىدىغان بىر سودىگەر ئايال ئىدى.»

ئامېرىكادىكى ۋەقەلەرنىڭ ئۆزئارا باغلىنىشى يوقلۇقىنى بىلدۈردى

ئامېرىكا ئاۋىياتسىيە ساھەسىدىكى قالايمىقانچىلىقلار، شۇنداقلا بانكىلار ۋە چوڭ تېخنىكا شىركەتلىرىدە كۆرۈلگەن مۇلازىمەت ئۈزۈلۈشلىرى ھەققىدە سورالغاندا ترامپ، بۇلارنىڭ ھەممىسىنىڭ بىر-بىرىدىن مۇستەقىل ۋەقەلەر ئىكەنلىكىنى بىلدۈردى.

ئامېرىكا خەلقىنىڭ ئەنسىرىشى كېرەكمۇ-يوق، دېگەن سوئالغا ئۇ: «ئۇلارغا خاتىرجەم بولۇشنى ئېيتىپ قويۇڭلار. ھەممە ئىش جايىدا، بۇلارنىڭ ھەممىسى ئايرىم-ئايرىم ۋەقەلەر» دەپ جاۋاب بەردى.

ئىزدىنىڭ
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى
تىرامپ خىتايدا ئۆتكۈزۈلىدىغان باشلىقلار يىغىنىدا ئۆز ئېتىبارىنى يۇقىرى كۆتۈرمەكچىمۇ؟
JD ۋېنس: تىرامپ ئىران ئۇرۇشىنىڭ «تۈگىمەس بىر ئۇرۇشقا» ئايلىنىپ قېلىشىغا يول قويمايدۇ
جېفرېي ئېپشتېين ئۆزىنى ئۆلتۈرۈۋالمىغان، بەلكى قەستلەپ ئۆلتۈرۈلگەن بولۇش ئېھتىماللىقى يۇقىرى
كۈندىلىك قىسقا خەۋەرلەر | 17.11.2026
ULA تەرىپىدىن ياسالغان راكېتا ئامازون سۈنئىي ھەمراھلىرىنى ئوربىتىغا ئورۇنلاشتۇرالمىدى
نىگېرىيە ئارمىيەسى بىر ھەپتىلىك ھەرىكەتتە گۆرۈگە ئېلىنغان 125 كىشىنى قۇتقۇزدى
رۇسىيە بىر كېچىدە 1300 دىن ئارتۇق ئۇكرائىنا ئۇچقۇچىسىز ئايروپىلانىنى توسۇپ قالغانلىقىنى ئېلان قىلدى
تۆت دۆلەت ئىسرائىلىيەگە چاقىرىق ئېلان قىلدى
رۇسىيە بىلەن ئۇكرائىنا سەيشەنبە كېچىسىدىكى ھۇجۇملار توغرىسىدا بىر-بىرىنى ئەيىبلىدى
ئېستونىيە رۇسىيە بىلەن بولغان بارلىق چېگرا ئېغىزلىرىنى 1-دېكابىردىن باشلاپ تاقايدۇ
ئامېرىكا ئوتتۇرا شەرققە ئۈچىنچى بىر ئاۋىياماتكا ۋەزىپە گۇرۇپپىسىنى ئەۋەتتى
خاقان فىدان «رايونلار ئارا باغلىنىشچانلىق ۋە قارا دېڭىز بىخەتەرلىكى يىغىنلىرى» غا قاتنىشىدۇ
كۈندىلىك قىسقا خەۋەرلەر 16 - نويابىر دۈشەنبە
تۈركىيە ۋە 17 دۆلەت ئىسرائىلىيەنىڭ غەززەدىكى دوختۇرخانىغا قىلغان ھۇجۇمىنى قاتتىق ئەيىبلىدى