غەززەدە ئۇرۇش توختىتىش كېلىشىمىگە خىلاپ ئىسرائىلىيە ھۇجۇملىرى داۋاملىشىۋاتقان بولۇپ، يېقىنقى 48 سائەت ئىچىدە دوختۇرخانىلارغا 16 كىشىنىڭ جەسىتى بىلەن 68 يارىدارنىڭ ئېلىپ كېلىنگەنلىكى بىلدۈرۈلدى.

ئۇرۇش توختىتىش كېلىشىمىگە خىلاپ ھالدا ھۇجۇملار داۋاملاشماقتا. غەززەدە ئۇرۇش توختىتىش كۈچكە ئىگە بولغان 2025-يىلى 10-ئۆكتەبىردىن بۇيان ئىسرائىلىيەنىڭ ھۇجۇملىرىدا 1643 كىشىنىڭ ھاياتىدىن ئايرىلغانلىقى، 5 مىڭ 964 كىشىنىڭ يارىلانغانلىقى، ئوخشاش مەزگىلدە خارابىلىكلەر ئاستىدىن 850 كىشىنىڭ جەسىتىنىڭ چىقىرىلغانلىقى ئىپادىلەندى.

ئىسرائىلىيەنىڭ 2023-يىلى ئۆكتەبىردىن بۇيان غەززە رايونىغا قىلغان ھۇجۇملىرىدا ئومۇمىي قازا قىلغانلار سانىنىڭ بولسا 74 مىڭ 695 كە، يارىلانغانلار سانىنىڭ 176 مىڭ 93 كە يەتكەنلىكى بىلدۈرۈلدى.

غەززە رايونىدا خارابىلىكلەر ئاستىدا تېخىچە مىڭلىغان جەسەتلەرنىڭ بارلىقى بىلدۈرۈلمەكتە.