ئۇكرائىنانىڭ تۇاپسې پورتىغا قارىتا ئېلىپ بارغان كەڭ كۆلەملىك ئۇچقۇچىسىز ھاۋا ئاپپاراتى ھۇجۇمى ئوت ئاپىتىنى كەلتۈرۈپ چىقاردى ۋە رۇسىيە دائىرىلىرىنىڭ قارىشىچە، كەم دېگەندە بىر كىشىنىڭ جېنىغا زامىن بولدى. بۇ ۋەقەنىڭ 16-ئاپرېلدىكى يەنە بىر ھۇجۇمنىڭ ئىزلىرى تېخى ئۆچمەي تۇرۇپ يۈز بېرىشى دىققەت قوزغىدى.
رۇسىيە دۆلەتلىك ئاخبارات ئاگېنتلىقى تاسمۇ (TASS) دۈشەنبە كۈنى تۇاپسې پورتىدىكى قاتناش ئۇل ئەسلىھەلىرىنىڭ ئۇچقۇچىسىز ھاۋا ئاپپاراتى ھۇجۇمى سەۋەبىدىن زىيانغا ئۇچرىغانلىقىنى خەۋەر قىلدى.
رۇسىيەنىڭ جەنۇبىدىكى مۇھىم پورتلارنىڭ بىرى بولغان تۇاپسې نېفىت مەھسۇلاتلىرى ئېكسپورتىدىكى مەركەز بولۇپ، كۆمۈر ۋە ئوغۇت قاتارلىق كۆمۈر ۋە ئوغۇت قاتارلىق قۇرۇق يۈكلەرمۇ مۇشۇ يەردە پىششىقلاپ ئىشلىنىدۇ. شۇنداقلا بۇ پورت روسنېفت (Rosneft) شىركىتىگە تەۋە بولغان، پورت بىلەن ئوخشاش نامدىكى چوڭ تىپتىكى بىر نېفىت پىششىقلاپ ئىشلەش زاۋۇتىغا ساھىبخانلىق قىلىدۇ.
كراسنودار رايونىنىڭ ۋالىيسى ۋېنيامىن كوندىراتىيېۋ ئاممىۋى ئورتاقلىشىش تور بېتى تېلېگرام سەھىپىسىدە ئېلان قىلغان باياناتىدا: «تۇاپسې يەنە بىر قېتىملىق كەڭ كۆلەملىك ئۇچقۇچىسىز ھاۋا ئاپپاراتى ھۇجۇمىغا ئۇچرىدى، پورت رايونىدا ئوت ئاپىتى يۈز بەردى» دېدى.
كوندىراتىيېۋ پورتتا بىر كىشىنىڭ ھاياتىدىن ئايرىلغانلىقىنى، يەنە بىر كىشىنىڭ يارىلانغانلىقىنى؛ ئۇچقۇچىسىز ھاۋا ئاپپاراتى پارچىلىرىنىڭ بولسا بىر بالىلار باغچىسى ۋە بىر باشلانغۇچ مەكتەپتىن تارتىپ، بىر چېركاۋ ۋە بىر كۆپ قەۋەتلىك بىناغىچە بولغان تۈرلۈك شەھەر بىنالىرىغا زىيان يەتكۈزگەنلىكىنى بىلدۈردى.
رۇسىيە دۆلەت مۇداپىئە مىنىستىرلىقى ئۇكرائىنانىڭ 112 ئۇچقۇچىسىز ھاۋا ئاپپاراتىنىڭ بىر كېچىدىلا ۋەيران قىلىنغانلىقىنى جاكارلىدى.
