سۈرىيە رەسمىي خەۋەر ئاگېنتلىقى SANA نىڭ خەۋىرىگە قارىغاندا، ئەلى كىييالى دەپمۇ ئاتىلىدىغان مىھراج ئۇرال چېگرادا تۇتۇلغان. ئۇ 2013-يىلى تۈركىيەنىڭ خاتاي ۋىلايىتىگە قاراشلىق رەيھانلى ناھىيەسىدە 52 كىشى قازا قىلغان بومبا ھۇجۇمىنىڭ گۇماندارىدۇر. SANA ئۇنى شۇ يىلى سۈرىيەنىڭ دېڭىز بويىدىكى بانىياس ۋە بەيدا يېزىلىرىدا يۈز بەرگەن قىرغىنچىلىقلارنىڭ ئاساسلىق جاۋابكارى دەپمۇ كۆرسەتتى.
خەۋەردە، سۈرىيە باش ئىستىخبارات ئىدارىسىنىڭ ئۇرالنى چېگرادىن قېچىشقا ئۇرۇنۇۋاتقاندا تۇتۇپ قالغانلىقى قەيت قىلىندى. ئۇنىڭ قايسى دۆلەتكە قېچىشقا ئۇرۇنغانلىقى ئېلان قىلىنمىدى.
