ئوتتۇرا شەرقتىكى ۋەزىيەتنىڭ جىددىيلىشىشى يەتتىنچى كېچە تېخىمۇ كەسكىنلەشتى. ئىران ئامېرىكانىڭ بومباردىمانىدا ئۈچ ئادەمنىڭ ئۆلگەنلىكىنى، كۇۋەيت، بەھرەين ۋە ئىيوردانىيەدىكى بىر قانچە ئامېرىكا ھەربىي ئورۇنلىرىغا ھۇجۇم قىلغانلىقىنى ئېلان قىلدى.
ئىران ئىنقىلابىي مۇھاپىزەتچىلەر قىسمى شەنبە (2026-يىلى 18-ئىيۇل) كۈنى ئەتىگەندە، «ئامېرىكانىڭ ئالدامچى ئىستىخبارات ئورگانلىرى» نىڭ يېتەكچىلىكىدىكى ئىككى نېفىت پاراخوتىنىڭ ھورمۇز بوغۇزىدا مىناغا سوقۇلۇپ پارتلىغانلىقىنى ئېيتتى، ئامېرىكا بۇنى دەرھال رەت قىلدى.
ئىران دۆلەت تېلېۋىزىيەسىدە، ئىنقىلابىي مۇھاپىزەتچىلەر قىسمىنىڭ بۇ مۇھىم دېڭىز يولىدىن ئۆتمەكچى بولغان تۆت پاراخوتنى «توسقانلىقى» نى دەپ خەۋەر قىلدى.
ئامېرىكا مەركىزىي قۇماندانلىق ئىشتابىنىڭ ئېكس (X) بېتىدە ھەمبەھىرلىگەن باياناتىغا قارىغاندا، ئامېرىكا قىسىملىرى ئىرانغا قىلغان ھۇجۇملىرىنى «ئىراننىڭ ھەربىي ئىقتىدارىنى داۋاملىق ئاجىزلىتىش» ئۈچۈن ئېلىپ بارغانلىقىنى بىلدۈرگەن.
ئىككى دۆلەت ئوتتۇرىسىدىكى ئۇرۇش قايتا باشلانغاندىن بۇيان ۋەزىيەتنىڭ قايتىدىن جىددىيلىشىشى جەريانىدا، ئىران ئامېرىكا قىسىملىرىنى ئايرودۇرۇم، پويىز ئىستانسىسى ۋە كۆۋرۈك قاتارلىق ئاممىۋى ئۇل- ئەسلىھەلەرنى بومباردىمان قىلدى ئەيىبلىدى ۋە رايوندىكى ئامېرىكا بازىلىرىغا زەربە بەرگەنلىكىنى بىلدۈردى.
ئامېرىكا پىرېزىدېنتى دونالد ترامپ ئىلگىرى ئىراننىڭ ئۇل-ئەسلىھەلىرىگە زەربە بېرىش توغرىسىدا ئاگاھلاندۇرغان بولسىمۇ، ئەمما جۈمە (17-ئىيۇل) كۈنى ئامېرىكا تەرەپ ئامېرىكا قىسىملىرىنىڭ بۇنى باشلىغانلىقىنى دەلىللىمىدى.
مۇناسىۋەتلىك ئۇچۇرلارTRT World - UN deems strikes on civilian infrastructure 'unacceptable' amid US-Iran escalation
ئىراننىڭ ئاگاھلاندۇرۇشى
ئىران ئالىي رەھبىرىنىڭ ھەربىي مەسلىھەتچىسى گېنېرال مۇھسىن رەزائى تېھراننىڭ ئەگەر ئامېرىكا ھۇجۇمى يەنە ئىككى ياكى ئۈچ كۈن داۋاملاشسا، «كەڭ كۆلەملىك ھۇجۇملار» نى باشلايدىغانلىقلىرىنى ئېيتتى. ئىراننىڭ ئىرىب (IRIB) ئاگېنتلىقىنىڭ خەۋىرىگە قارىغاندا، رەزائى: «ئىران ئەمدى ئۆزىنى پەقەت ئۆچ ئېلىش خاراكتېرلىك، تەڭ جاۋاب قايتۇرۇش بىلەنلا چەكلىمەيدۇ... بۇنىڭدىن كېيىن ھېچقانداق سىياسىي چېگرا بىخەتەر بولمايدۇ» دېگەن.
ئىران ئۇرۇش 28-فېۋرال (2026) ئامېرىكا بىلەن ئىسرائىلىيەنىڭ ئىرانغا قىلغان ھۇجۇملىرى بىلەن باشلانغان بولۇپ، ئىران بۇنىڭغا جاۋابەن دۇنيادىكى نېفىت توشۇشنىڭ مۇھىم قانىلى بولغان ھورمۇز بوغۇزىنى تاقىغان ئىدى.
ئىراننىڭ ئىرانا (IRNA) ئاگېنتلىقى شەنبە (18-ئىيۇل) كۈنى ئامېرىكانىڭ ھۇجۇمىدا، ئىراننىڭ جەنۇبىدىكى ھورمۇزگان ئۆلكىسىدە ئۈچ ئادەمنىڭ جېنىدىن ئايرىلغانلىقىنى، سەككىز ئادەمنىڭ يارىلانغانلىقىنى خەۋەر قىلدى. ئىران ئارمىيەسى ئامېرىكا ھۇجۇمىغا جاۋابەن كۇۋەيت، بەھرەين ۋە ئىيوردانىيەدىكى ئامېرىكا ھەربىي بازىلىرىغا زەربە بەرگەنلىكىنى بىلدۈردى.
كۇۋەيتتە، ئىران قىسىملىرى ئەل-ئادىرى (Al-Adiri) لاگېرىدىكى بىر ئوق-دورا ئىسكىلاتىنى، ئەلى ئەل-سالىم (Ali Al-Salem) بازىسىدىكى ئىشتاب بىنالىرى ۋە ئوق-دورا ئىسكىلاتلىرىنى ھەمدە بىر قانچە ئالاقە كۆۋرۈكلىرىنى بومباردىمان قىلغان. ئىيوردانىيەدە ئەل-ئەزراق (Al-Azraq) بازىسىدىكى يېقىلغۇ ئاپتوموبىللىرىمۇ نىشانغا ئېلىنغان.
مۇناسىۋەتلىك ئۇچۇرلارTRT World - Iran rains missiles on 'US military bases' in six Arab countries
تەۋسىيە
