ئامېرىكا پىرېزىدېنتنى دونالد ترامپ، شەنبە كۈنى ئاق ساراي مۇخبىرلىرى جەمئىيىتى زىياپىتىدىكى قوراللىق ھۇجۇمنىڭ ئۆزىنى ئىران ئۇرۇشىدىن توسۇپ قالالمايدىغانلىقىنى، ئەمما ۋەقەنىڭ توقۇنۇش بىلەن ئالاقىسى بولۇش ئېھتىماللىقىنىڭ تۆۋەن ئىكەنلىكىنى ئويلايدىغانلىقىنى ئېيتتى.
ترامپ زور غۇلغۇلا پەيدا قىلغان بىخەتەرلىك ۋەقەسىدىن كېيىن ئاق سارايدا مۇخبىرلارغا بەرگەن باياناتىدا: «بۇ مېنى ئىراندىكى ئۇرۇشتا غەلىبە قىلىشتىن توسۇپ قالالمايدۇ. بىلىدىغانلىرىمىزغا ئاساسلانغاندا، بۇنىڭ ۋەقە بىلەن بىرەر ئالاقىسى بار-يوقلۇقىنى بىلمەيمەن، راستىنى ئېيتقاندا ئۇنداق دەپمۇ ئويلىمايمەن» دېدى.
بىراق ترامپ ئىلگىرى بۇنىڭ ئىران ئۇرۇشى بىلەن ئالاقىسى بار-يوقلۇقى مەسىلىسىدە «ھەرگىز بىلگىلى بولمايدۇ» دېگەن ۋە تەكشۈرگۈچىلەرنىڭ «يالغۇز بۆرە» دەپ تەسۋىرلىگەن ھۇجۇمچىنىڭ مەقسىتىنى تەكشۈرۈۋاتقانلىقىنى ئېيتقان ئىدى.
شەنبە كۈنى دونالد ترامپ قاتناشقان ۋاشىنگتوندىكى مۇخبىرلار زىياپىتىگە بېسىپ كىرىش بىلەن ئەيىبلەنگەن قوراللىق ھۇجۇم گۇماندارى، فېدېراتسىيە تەپتىشىنىڭ بىلدۈرۈشىچە دۈشەنبە كۈنى ئامېرىكا پايتەختىدە سوتقا چىقىرىلىدۇ.
مەخپىي مۇلازىمەت خادىملىرى بىلەن قوراللىق توقۇنۇشقا كىرگەن، ئەمما ئۆزىگە ئوق تەگمىگەن گۇماندار، دۈشەنبە كۈنى بىر ئامېرىكا رايونلۇق سوتچىسىنىڭ ئالدىغا چىقىدۇ.
ئامېرىكا تەپتىشى جىناين پرونىڭ بىلدۈرۈشىچە، گۇماندار زوراۋانلىق جىنايىتى جەريانىدا ئوق چىقىرىش، قورال ئىشلىتىش ۋە خەتەرلىك قورال بىلەن فېدېراتسىيە ئەمەلدارىغا ھۇجۇم قىلىش بىلەن ئەيىبلىنىدۇ.
ئامېرىكا رەھبىرى شەنبە كۈنى تەخمىنەن ئىككى ئايدىن بۇيان داۋاملىشىۋاتقان ئۇرۇشتىن كېيىن تېھراننىڭ مۇزاكىرە مەيدانىدىن رازى بولمىغانلىقى ئۈچۈن، ۋەكىللىرىنىڭ ئىران بىلەن تىنچلىق سۆھبىتى ئۆتكۈزۈش مەقسىتىدە پاكىستانغا قىلىدىغان زىيارىتىنى ئەمەلدىن قالدۇرغان ئىدى.
