سابىق دۆلەت مۇداپىئە مىنىستىرلىرىدىن ۋېي فېڭخې (Wei Fenghe) بىلەن لى شاڭفۇ (Li Shangfu) پارا ئېلىش جىنايىتى بىلەن ئەيىبلىنىپ، ئىككى يىل كېچىكتۈرۈلگەن ئۆلۈم جازاسىغا ھۆكۈم قىلىندى ۋە سىياسىي ھوقۇقىدىن ئۆمۈرۋايەت مەھرۇم قىلىندى.

پەيشەنبە (2026-يىلى 7-ماي) كۈنى خىتاينىڭ ئىككى سابىق دۆلەت مۇداپىئە مىنىستىرى پارىخورلۇق جىنايىتى بىلەن ئەيىبلىنىپ، ئىككى يىل كېچىكتۈرۈلگەن ئۆلۈم جازاسىغا ھۆكۈم قىلىندى.

شىنخۇا ئاگېنتلىقىنىڭ خەۋەر قىلىشىچە، خىتاي ھەربىي سوت مەھكىمىسى ۋېي فېڭخې بىلەن لى شاڭفۇ ئۈستىدىن ئايرىم-ئايرىم ھۆكۈم چىقارغان.

ۋېي فېڭخې پارا ئېلىش جىنايىتى بىلەن، لى شاڭفۇ بولسا پارا ئېلىش ۋە پارا بېرىش جىنايىتى بىلەن ئەيىبلەنگەن.

بۇ ئىككى سابىق ئەمەلدار مەركىزىي ھەربىي ئىشلار كومىتېتىنىڭ سابىق ئەزاسى ۋە سابىق دۆلەت ئىشلىرى مەسلىھەتچىسى ئىدى.

ئۇلار سىياسىي ھوقۇقىدىن ئۆمۈرۋايەت مەھرۇم قىلىنغاندىن باشقا، بارلىق شەخسىي مال-مۈلۈكلىرىنىڭ مۇسادىرە قىلىنىدىغانلىقى قەيت قىلىندى.

سوتنىڭ ھۆكۈمىگە ئاساسەن ئۆلۈم جازاسىنى ئىككى يىل كېچىكتۈرۈش مۇددىتى توشقاندىن كېيىن، خىتاي قانۇنى بويىچە ئۇلارنىڭ جازاسى مۇددەتسىز قاماق جازاسىغا ئۆزگەرتىلىدۇ. ئەمما شۇنىڭدىن كېيىن، ئۇلار جازانى يېنىكلىتىش ياكى شەرتلىك قويۇپ بېرىلىش ھوقۇقىدىن بەھرىمان بولالمايدۇ.

مۇناسىۋەتلىك ئۇچۇرلارTRT World - China probing defence minister for corruption: report