ئىران ئىنقىلاب مۇھاپىزەتچىلىرى قىسىملىرى ھورمۇز بوغۇزىنىڭ غەربىي ھاۋا تەۋەلىكىدە ئامېرىكادا ئىشلەنگەن MQ-1 تىپلىق بىر ئۇچقۇچىسىز ھاۋا ئاپپاراتىنى ئېتىپ چۈشۈرگەنلىكىنى جاكارلىدى.

ئىران ئىسلام جۇمھۇرىيىتى خەۋەر ئاگېنتلىقى (IRNA) ئىنقىلاب مۇھاپىزەتچىلىرى قىسىملىرىنىڭ يازما باياناتىنى ئېلان قىلدى.

باياناتتا ھورمۇز بوغۇزىنىڭ غەربىي ھاۋا تەۋەلىكىدە MQ-1 تىپلىق بىر ئۇچقۇچىسىز ھاۋا ئاپپاراتىنىڭ ئىران ھاۋا مۇداپىئە سىستېمىسى تەرىپىدىن بايقىلىپ زەربە بېرىلگەنلىكى بىلدۈرۈلدى.

ئامېرىكا 1990-يىللاردا ئىشلەپچىقارغان MQ-1 تىپلىق ئۇچقۇچىسىز ھاۋا ئاپپاراتى دەسلەپتە كۆزىتىش ۋە ئالدىن چارلاش مەقسىتىدە ئىشلىتىش ئۈچۈن لايىھەلەنگەن. كېيىنچە بۇ ئاپپاراتلارغا يېڭى كامېرا ۋە باشقۇرۇلىدىغان بومبىلار سەپلەنگەن.