ھۇجۇمدا تاتارىستان جۇمھۇرىيىتىنىڭ نىژنېكامسك شەھىرىدىكى پۇقرالار ۋە سانائەت ئەسلىھەلىرى زىيانغا ئۇچرىدى.
رۇسىيەگە تەۋە تاتارىستان جۇمھۇرىيىتىدە ئۇچقۇچىسىز ئايروپىلانلار بىلەن قىلىنغان ھۇجۇم نەتىجىسىدە پۇقرالار ۋە سانائەت ئەسلىھەلىرىنىڭ زىيانغا ئۇچرىغانلىقى، 2 كىشىنىڭ ھاياتىدىن ئايرىلىپ، 12 كىشىنىڭ يارىلانغانلىقى بىلدۈرۈلدى.
تاتارىستان جۇمھۇرىيىتى پىرېزىدېنتلىق ئىدارىسى تەرىپىدىن ئېلان قىلىنغان باياناتتا، ئۇكرائىنا ئارمىيەسىنىڭ نىژنېكامسك (تۇبەنكاما) شەھىرىگە قارىتا ئۇچقۇچىسىز ئايروپىلانلار بىلەن ھۇجۇم قىلغانلىقى قەيت قىلىندى.
باياناتتا: «ھۇجۇم نەتىجىسىدە پۇقرالار ۋە سانائەت ئەسلىھەلىرى زىيانغا ئۇچرىدى. كارخانىلاردىن بىرىدە ئوت ئاپىتى يۈز بەردى. ئىشلەپچىقىرىش جەريانى توختىتىلمىدى. ھۇجۇمدا 2 كىشى قازا قىلىپ، 12 كىشى يارىلاندى» دېگەن سۆزلەرگە ئورۇن بېرىلدى.
رۇسىيە مۇداپىئە مىنىستىرلىقى تەرىپىدىن ئېلان قىلىنغان باياناتتا بولسا، كېچىدە ئۇكرائىناغا تەۋە 389 دانە ئۇچقۇچىسىز ئايروپىلاننىڭ ھەر قايسى رايونلاردا پاچاقاپ تاشلانغانلىقى ئۇقتۇرۇلدى.
