ئىتالىيە ئورگانلىرى تەرىپىدىن چىقىرىلغان ياۋروپا مىقياسىدىكى تۇتۇش بۇيرۇقى دائىرىسىدە ئىزدىلىۋاتقان گۇماندارنىڭ ئىسپانىيە دۆلەتلىك ساقچلىرى تەرىپىدىن كاتالونىيە رايونىدىكى تارراگونا شەھىرىدە ياشايدىغانلىقى ئېنىقلاندى.

ئىسپانىيە ساقچىلىرى ئىتالىيە مابۇئاتلىرىدا «تۈرمىدىن قېچىش سېھرىگەرى» دەپ نام ئالغان 48 ياشلىق ئالبانىيە پۇقراسى توما تاۋلانتنى ئېنىقلاپ چىقتى.

تاۋلانت سەككىز ئاي بۇرۇن مىلاندا يۇقىرى بىخەتەرلىكتىكى بىر تۈرمىدىن قېچىشتىن بۇرۇن بۇلاڭ-تالاڭ، ئوغرىلىق ۋە زەھەرلىك چېكىملىك سودىسى قاتارلىق جىنايەتلەر سەۋەبىدىن 2048-يىلىغىچە داۋاملىشىدىغان قاماز جازاسى ئىجرا قىلىنماقتا ئىدى.

ئىسپانىيە دۆلەتلىك ساقچىلىرى تەرىپىدىن ئېلان قىلىنغان باياناتتا، گۇماندارنىڭ 2009-يىلى تېرنى، 2013-يىلى پارما ۋە شۇ يىلى بېلگىيەدىكى بىر تۈرمىدىن ئىنسان پىرامىداسى ئۇسۇلىنى ئىشلىتىپ قاچقانلىقى بىلدۈرۈلدى.

ئەڭ ئاخىرقى قېچىشىنى 2025-يىلى دېكابىردا ئىشقا ئاشۇرغان گۇماندارنىڭ، ئىتالىيەدىكى يۇقىرى بىخەتەرلىككە ئىگە بىر تۈرمىدە تۆمۈر رىشاتكىلارنى كېسىپ بىر-بىرىگە باغلىغان ئەدياللارنى تانا قىلىش ئارقىلىق دېرىزىدىن تۆۋەنگە چۈشۈپ قاچقانلىقى ئۇقتۇرۇلدى.

ناھايىتى خەتەرلىك دەپ سۈپەتلەنگەن قاچقۇننىڭ ئۆتكەن جۈمە كۈنى تارراگونادا ئۆتكۈزۈلگەن ھەربىي-ساقچى ئورتاق ھەرىكىتىدە قولغا چۈشۈلگەنلىكى ۋە قولغا ئېلىنىش جەريانىدا ساقچىغا قاتتىق قارشىلىق كۆرسەتكەنلىكى بىلدۈرۈلدى.

قولغا چۈشۈلگەن ۋاقتىدا ساختا كىملىك ​​ھۆججەتلىرى چىققان گۇماندارنىڭ، گىرونا شەھىرىدە قورال ۋە پارتلاتقۇچ ماددا ساقلاش جىنايەت دېلوسى بارلىقى مەلۇم بولدى.

ئاختۇرۇشتا ئۇنىڭدىن ساختا دەپ قارالغان ئىككى دانە 500 ياۋرولۇق پۇلمۇ قولغا چۈشۈرۈلدى.  گۇماندارنىڭ كاپالەتسىز قولغا ئېلىنىپ ئىتالىيەگە ئۆتكۈزۈپ بېرىلىش ئۈچۈن تارراگونادىكى بىر تۈرمىگە يوللانغانلىقى ئۇقتۇرۇلدى.