تۈركىيە
2 مىنۇت ئوقۇش
ھاجەتتەپە ئۇنىۋېرسىتېتى تۈركمەنىستان پىرېزىدېنتى بەردىمۇھەممەدوۋغا پەخرىي دوكتورلۇق ئۇنۋانى بەردى
ئەنقەرەدىكى ھاجەتتەپە ئۇنىۋېرسىتېتى تەرىپىدىن تۈركمەنىستان پىرېزىدېنتى سەردار بەردىمۇھەممەدوۋغا پەخرىي دوكتورلۇق ئۇنۋانى بېرىلدى.
ھاجەتتەپە ئۇنىۋېرسىتېتى تۈركمەنىستان پىرېزىدېنتى بەردىمۇھەممەدوۋغا پەخرىي دوكتورلۇق ئۇنۋانى بەردى
ھاجەتتەپە ئۇنىۋېرسىتېتى تۈركمەنىستان پىرېزىدېنتى بەردىمۇھەممەدوۋغا پەخرىي دوكتورلۇق ئۇنۋانى بەردى.

ھاجەتتەپە ئۇنىۋېرسىتېتىنىڭ سىھىيە (Sıhhiye) كامپۇسى مەدەنىيەت مەركىزىدە ئۆتكۈزۈلگەن مۇراسىمدا، تۈركمەنىستان پىرېزىدېنتى بەردىمۇھەممەدوۋغا تون كىيدۈرۈلۈپ، خەلقئارا مۇناسىۋەتلەر ساھەسىدە پەخرىي دوكتورلۇق ئۇنۋانى تەقدىم قىلىندى.

تۈركمەنىستان پىرېزىدېنتى بەردىمۇھەممەدوۋ مۇراسىمدىكى سۆزىدە: «پەخرىي دوكتورلۇق ئۇنۋانىنى پەقەت شەخسىمگە

قىلىنغان بىر ئېھتىرام دەپلا ئەمەس، بەلكى تۈركمەنىستان بىلەن تۈركىيە ئوتتۇرىسىدىكى قېرىنداشلىق مۇناسىۋەتلىرىنى تەرەققىي قىلدۇرۇش ۋە ئىككى دۆلەت ئوتتۇرىسىدىكى دوستلۇق رىشتىلىرىنى مۇستەھكەملەش يولىدا كۆرسىتىلگەن تىرىشچانلىقلارغا بېرىلگەن يۈكسەك باھا دەپ بىلىمەن» دېدى.

بۇ ئەھمىيەتلىك ئۇچرىشىشنىڭ ئىككى خەلق ئوتتۇرىسىدىكى قېرىنداشلىق رىشتىنىڭ تارىخىي ۋە مەنىۋى يېقىنلىقىنى يەنە بىر قېتىم نامايان قىلغانلىقىنى بىلدۈرگەن بەردىمۇھەممەدوۋ، ئىلىم-پەن ۋە مائارىپنىڭ ئىنسانىيەت تەرەققىياتىنى ئىلگىرى سۈرىدىغان ئەڭ مۇھىم كۈچلەرنىڭ بىرى ئىكەنلىكىنى تىلغا ئالدى. ئۇ ئىلمىي ئۇتۇقلارنى كېيىنكى ئەۋلادلارغا يەتكۈزۈش، ئىلمىي تەتقىقاتلار ئۈچۈن يېڭى پۇرسەتلەرنى يارىتىش ۋە جەمئىيەتلەر دۇچ كېلىۋاتقان مەسىلىلەرنى ھەل قىلىشقا تۆھپە قوشۇشنىڭ غايەت زور ئەھمىيەتكە ئىگە ئىكەنلىكىنى قەيت قىلدى.

تەۋسىيە

دۇنيانىڭ تېز سۈرئەتتە ئۆزگىرىۋاتقان مەسىلىلەرگە يۈزلىنىۋاتقانلىقىنى تەكىتلىگەن بەردىمۇھەممەدوۋ، كېيىنكى ئەۋلادلارغا سۈپەتلىك تەلىم-تەربىيە بېرىش، ئىلمىي مەنبەلەرنى راۋاجلاندۇرۇش، ياشلارنىڭ تالانتىنى بايقاش ۋە دەۋرنىڭ تەلىپىگە ماس بىلىم-ماھارەتلەرنى ئىگىلىشىگە كاپالەتلىك قىلىشنىڭ ئەڭ ئالدىنقى ۋەزىپىلەر قاتارىدا بولۇشى كېرەكلىكىنى ئېيتتى.

ئۇ تۈركمەنىستان بىلەن تۈركىيە ئوتتۇرىسىدىكى قېرىنداشلىق مۇناسىۋەتلىرىنىڭ ئورتاق تارىخىي ئۆتمۈشكە، مەدەنىيەت ۋە مەنىۋى قىممەت قاراشلارغا تايىنىدىغانلىقىنى ئەسكەرتىپ، ئىككى خەلقنىڭ ئەسىرلەردىن بۇيان ئۆزئارا مۇناسىۋەتلىرىنى ساقلاپ، ئورتاق قىممەتلىرىنى قوغداپ ۋە ياشىتىپ كەلگەنلىكىنى تەكىتلىدى.

بۇ تارىخىي مىراسنىڭ ئىككى دۆلەت ئوتتۇرىسىدىكى قېرىنداشلىق مۇناسىۋەتلىرىنىڭ مۇستەھكەم ئاساسى ئىكەنلىكىنى بايان قىلغان بەردىمۇھەممەدوۋ، ئورتاق خىزمەتلەرنىڭ يۇقىرى ساپالىق مۇتەخەسسىسلەرنى يېتىشتۈرۈشكە تۆھپە قوشۇپلا قالماي، خەلقلەرنى بىر-بىرىگە تېخىمۇ يېقىنلاشتۇرىدىغانلىقىنى سۆزلىدى.

ئۇ تۈركىيەنىڭ ئالىي مائارىپ ئورۇنلىرىدا تەھسىل كۆرۈۋاتقان تۈركمەنىستانلىق ياشلارنىڭ ھەر ساھەدە مۇۋەپپەقىيەتلەرنى قازىنىۋاتقانلىقىغا دىققەت تارتىپ، تۈركمەن ياشلىرىنىڭ تۈركىيەدە ئوقۇشى ئۈچۈن يارىتىپ بېرىلگەن پۇرسەت ۋە شارائىتلاردىن تولىمۇ مەمنۇن ئىكەنلىكلىرىنى قەيت قىلدى.

ئىزدىنىڭ
سەئۇدى ئەرەبىستانغا ئېتىلغان 3 باشقۇرۇلىدىغان بومبا ۋە 4 ئۇچقۇچىسىز ھاۋا ئاپپاراتى يوقىتىلدى
ياۋروپا پارلامېنتى ئەزالىرى ياۋروپا ئىتتىپاقىنى ئىسرائىلىيەگە ئېمبارگو يۈرگۈزۈشكە چاقىردى
رۇسىيە ئۇكرائىنادا خېرسون يۆنىلىشىدە ۋاقىتلىق ئۇرۇش توختاتتى
سۈرىيە: ئىيوردانىيە ھاۋا ھۇجۇملىرىدىن ئىلگىرى بىز بىلەن ھېچقانداق ئالاقە قىلمىدى
ئەردوغان: رايونىمىزدىكى ئوتنى ئۆچۈرۈش ۋە قان تۆكۈلۈشنى توختىتىش ئۈچۈن كۈرەش قىلىۋاتىمىز
تۈركىيە، سەئۇدى ئەرەبىستان، پاكىستان ۋە ئىران - تۆت تەرەپ يىغىنى توغرىسىدا بايانات ئېلان قىلىندى
قاتار ئەمىرى ئال سانى ئۆزبېكىستان پىرېزىدېنتى مىرزىيايېف بىلەن كۆرۈشتى
سەئۇدى ئەرەبىستان سىنگاپورنىڭ يەر ئاستى ئامبارلىرىدا نېفىت ساقلاشنى پىلانلىماقتا
CNN: ترامپ بۇيرۇق بەرسە، ئامېرىكا 96 سائەت ئىچىدە ئىرانغا كەڭ كۆلەملىك ھۇجۇم باشلىيالايدۇ
ئۆكتىچى رەھبەر نېتانياھۇنى «ۋەتەنگە خىيانەت قىلىش» جىنايىتى بىلەن تەكشۈرۈشنى تەلەپ قىلدى
تۈركىيە، سەئۇدى ئەرەبىستان ۋە پاكىستاننىڭ يۇقىرى دەرىجىلىك ئەمەلدارلىرى ئىراندا زىيارەتتە بولماقتا
فرانسىيەدە بوراندىن كېيىن تەخمىنەن 59 مىڭ ئائىلىدە توك توختاپ قېلىش داۋاملاشماقتا
خىتاي كومپارتىيەسىنىڭ سەرخىللىرى دۆلەتنى قاتتىق باشقۇرۇشقا ئالاقىدار مۇھىم يىغىن باشلىدى
تۈرك دۆلەتلىرى ئەنقەرەدە يېزا ئىگىلىكىدىن ئالەم بوشلۇقىغىچە ھەرخىل ھەمكارلىقلارنى مۇزاكىرە قىلىدۇ
رۇسىيە: ۋورونېژدىكى ئۇچقۇ ھۇجۇمىدا پويىزدىكى ئىككى كىشى قازا قىلدى