فرانسىيەدە ئاۋستېن ۋە بوئېلو بورانلىرى سەۋەبىدىن تەخمىنەن 59 مىڭ ئائىلىدە توك توختاپ قېلىش داۋاملاشماقتا.
مەملىكەتلىك مەتبۇئاتلاردىكى خەۋەرلەرگە قارىغاندا، ئالدىنقى ھەپتە فرانسىيەدە تەسىر كۆرسەتكەن ئاۋستېن ۋە بوئېلو بورانلىرى سەۋەبىدىن نورماندىيە ۋە برېتونيا رايونلىرىدىكى بارلىق ئائىلىلەردە توك تېخىچە ئەسلىگە كەلمىدى.
ئېنېدىس ئېلېكتر شىركىتى تەرىپىدىن ئېلان قىلىنغان باياناتقا ئاساسلانغاندا، مەزكۇر 2 رايوندىكى تەخمىنەن 59 مىڭ ئائىلىدە توك توختاپ قېلىش تېخىچە داۋاملاشماقتا.
بۇ شىركەتكە ۋە ئۇنىڭ شېرىكلىرىگە قاراشلىق 2600 خادىم رېمونت قىلىش خىزمەتلىرىنى داۋاملاشتۇرماقتا.
فرانسىيەدە ئاۋستېن بورىنىنىڭ ئەڭ شىددەتلىك مەزگىلىدە تەخمىنەن 288 مىڭ ئائىلىدە توك توختاپ قېلىش كۆرۈلگەن ئىدى.
ئاۋستېن بورىنى سەۋەبىدىن 23-ئۆكتەبىردە فرانسىيەدىكى 23 ۋىلايەتتە ئاگاھلاندۇرۇش دەرىجىسى قىزغۇچ سېرىق رەڭگە چىقىرىلغان ئىدى.
ئىل-دې-فرانس، نورماندىيە ۋە برېتونيا رايونلىرى بىلەن خاۋتس-دې-فرانس ۋىلايىتىدە تۆمۈريول قاتنىشىدا ئېغىر ئاقساقلىقلار يۈز بەرگەن ئىدى.
ئاۋستېن بورىنى فرانسىيە بىلەن ئەنگلىيە ئوتتۇرىسىدىكى دېڭىز قاتنىشىغىمۇ سەلبىي تەسىر كۆرسەتتى.
موربىھان ۋىلايىتىدە بوراننىڭ ئېلېكتر ئۇل ئەسلىھەلىرىگە زىيان يەتكۈزۈشى سەۋەبىدىن 4 نۇقتىدا ئوت ئاپىتى يۈز بەرگەن بولسا، فىنىستېرە ۋىلايىتىدە بوران سەۋەبىدىن كېلىپ چىققان ۋەقەلەردە 3 كىشى يېنىك يارىلانغان ئىدى.
