تۈركىيە رادىيو-تېلېزىيە ئىدارىسى- ت ر ت (TRT) نىڭ باش مۇدىرى مەھمەت زاھىد سوباجى، ئاممىۋى ئورتاقلىشىش تور بېتى X سەھىپىسىدە ئېلان قىلغان باياناتىدا، «TRT Humanitarian» فىلىم فېستىۋالىغا ئىلتىماس سۇنۇشنىڭ باشلانغانلىقىنى بىلدۈردى.

سوباجى چارشەنبە كۈنى ئېلان قىلغان باياناتىدا، «ئىنسانىيەتنىڭ ھەقىقىي مەسىلىلىرىنى كىنو ئارقىلىق كۆرسىتىپ بېرىدىغان» فېستىۋالغا تىزىملىتىشنىڭ ئاخىرقى مۇددىتىنىڭ 2026-يىلى 15-ئىيۇن ئىكەنلىكىنى ئېيتتى.

تۈركىيەنىڭ دۆلەتلىك رادىيو-تېلېزىيە ئىدارىسى  TRT تەرىپىدىن ئۇيۇشتۇرۇلغان بۇ فېستىۋال، كىنونىڭ كۈچى ئارقىلىق جىددىي ئىنسانىي مەسىلىلەرنى تەكىتلەشنى ۋە كىشىلەرنىڭ كەچۈرمىشلىرىنى ئورتاقلىشىشىنى مەقسەت قىلىدۇ.

ئالدىنقى يىللاردا، ئىجتىمائىي ئاڭنى ئويغىتىدىغان ھېكايىلەرنى بايان قىلىشقا ھەمدە توقۇنۇش، كۆچمەنلىك، ئادالەتسىزلىك ۋە ئىنسانلارنىڭ سەۋر - تاقىتىگە ئائىت ھۆججەتلىك فىلىملەر مەزمۇن قىلىنغان بۇ فېستىۋال، دۇنيانىڭ ھەرقايسى جايلىرىدىكى كىنو ئىشلىگۈچىلەرنى جەلپ قىلىدىغان خەلقئارالىق بىر سەھنىگە ئايلاندى.

بۇ يىللىق پائالىيەتنىڭمۇ مۇشۇ يۆنىلىشنى داۋاملاشتۇرۇپ، دۇنيادىكى تەسىر دائىرىسىنى كېڭەيتىشى ھەمدە ئىنسانىي تېمىلارغا ۋە تەسىرلىك كۆرۈنۈشلۈك ھېكايىلەرگە بەرگەن ئەھمىيىتىنى ساقلاپ قېلىشى كۈتۈلمەكتە.