ئىسرائىلىيە، 2025-يىلى ئۆكتەبىردە ھاسىل قىلىنغان ئۇرۇش توختىتىش كېلىشىمىگە خىلاپلىق قىلىشنى داۋاملاشتۇرۇپ، غەززەدە 904 كىشىنى ئۆلتۈردى ۋە 2713 كىشىنى يارىيلاندۇردى.
ئىسرائىلىيەنىڭ غەززەنىڭ جەنۇبىدىكى خان يۇنۇسنىڭ غەربىگە جايلاشقان ئەل-مەۋاسى رايونىدا ئۆي-ماكانلىرىدىن ئايرىلغان پەلەستىنلىكلەر تۇرۇۋاتقان بىر لاگېرنى نىشانلىغان دۈشەنبە كۈنىدىكى ھاۋا ھۇجۇمىدا، بىر پەلەستىنلىك ئايال ۋە بىر كىچىك بالا ھاياتىدىن ئايرىلدى، ئاز دېگەندە 22 كىشى يارىلاندى.
سەھىيە مەنبەلىرى ئانادولۇ ئاگېنتلىقىغا بەرگەن باياناتىدا، ئىسرائىلىيەنىڭ ئەل-مەۋاسىدا ئۆي-ماكانلىرىدىن ئايرىلغان پەلەستىنلىكلەر پاناھلانغان غەيس لاگېرىنى ھۇجۇم نىشانى قىلىشى نەتىجىسىدە 31 ياشلىق بىر ئايال بىلەن 6 ياشلىق بىر قىز بالىنىڭ ئۆلتۈرۈلگەنلىكىنى بىلدۈردى.
مەنبەلەرنىڭ بىلدۈرىشىچە، ھۇجۇمدا كۆپىنچىسى ئايال ۋە بالىلار بولۇپ جەمئىي 20 كىشى يارىلاندى.
يەرلىك مەنبەلەر ۋە شاھىتلار، ئىسرائىلىيە بومباردىمانىنىڭ نوپۇس زىچ ئولتۇراقلاشقان پاناھلىنىش لاگېرىدىكى نۇرغۇن چېدىرنى نىشانلىغانلىقىنى، ھۇجۇمدا ئوخشىمىغان دەرىجىدىكى يارىلىنىشلارنىڭ يۈز بەرگەنلىكىنى ئېيتتى.
غەززەنىڭ مەركىزىدە بولسا يەرلىك مەنبەلەرگە ئاساسلانغاندا، ئىسرائىلىيە ئەتىگەندە مەغەزى مۇساپىرلار لاگېرىدىكى بىر ئۆينى نىشانلىغان بولۇپ، ھاۋا ھۇجۇمىدا ئىككى پەلەستىنلىك يارىلانغان.
غەززە سەھىيە مىنىستىرلىقى ئېلان قىلغان سانلىق مەلۇماتلارغا قارىغاندا، ئۇرۇش توختىتىش كېلىشىمىگە خىلاپلىق قىلىش داۋاملاشماقتا، ئىسرائىلىيە ئۇرۇش توختىتىش كېلىشىمى كۈچكە ئىگە بولغاندىن بۇيان 904 پەلەستىنلىكنىڭ ئۆلۈشىگە، 2 مىڭ 713 كىشىنىڭ يارىلىنىشىغا سەۋەب بولدى.
ھالبۇكى، ئىسرائىلىيەنىڭ 2023-يىلى ئۆكتەبىردىن بۇيان كۆپىنچىسى ئايال ۋە بالا بولۇپ جەمئىي 72 مىڭدىن ئارتۇق كىشىنى ئۆلتۈرگەن، 172 مىڭدىن ئارتۇق كىشىنى يارىلاندۇرغان ۋە پۇقرالار ئۇل ئەسلىھەلىرىنىڭ يۈزدە 90 ىغا زىيان يەتكۈگەن شۇنداقلا غايەت زور ۋەيرانچىلىققا يول ئاچقان ئىككى يىللىق قىرغىنچىلىق ئۇرۇشىنى توختىتىش مەقسىتىدە ئۇرۇش توختىىش كېلىشىمى ئىمزالانغان ئىدى.
