نېتانياھۇ 24-ئاۋغۇست ئىسرائىلىيە مەركەزلىك 14-قانالغا بەرگەن باياناتىدا، ئوغۇللىرىدىن بىرىنىڭ ئىراننىڭ ھۇجۇم نىشانى بولغانلىقىنى ئىلگىرى سۈرگەن ئىدى.
ئىسرائىلىيە باش مىنىستىرى بېنيامىن نېتانياھۇنىڭ ئوغلى يائىر نېتانياھۇنىڭ، ئۆزىگە قارىتىلغان ئىران مەنبەلىك بىر قەستلەپ ئۆلتۈرۈش پىلانى بايقالغاندىن كېيىن، ئامېرىكانىڭ ميامى شەھىرىدىن يوشۇرۇنچە چېكىندۈرۈلۈپ، جىددىي ھالدا ئىسرائىلىيەگە ئېلىپ كېلىنگەنلىكى ئىلگىرى سۈرۈلدى.
ئامېرىكا مەركەزلىك Newsmax قانىلىنىڭ بىر ئامېرىكا قانۇن ئىجرا قىلىش ئورگىنى مەنبەسىنى ئاساس قىلغان خەۋىرىدە، ئىسرائىلىيە ئىستخباراتىنىڭ يائىرنى نىشان قىلغان قەستلەپ ئۆلتۈرۈش پىلانىدىن 2025-يىلى دېكابىردا خەۋەردار بولغانلىقى ئىلگىرى سۈرۈلدى.
مەنبە، ئىرانلىق ئاگېنتلارنىڭ باش مىنىستىرنىڭ ئوغلى تۇرۇۋاتقان ئۆينى ۋە ھەرىكەتلەرنى كۆزىتىش ئۈچۈن ميامىدا ئەمەلىي ھەرىكەت قىلغانلىقىنى ئىلگىرى سۈردى.
خەۋەردە، ئىسرائىلىيەنىڭ ئامېرىكا ئەمەلدارلىرىنى ئاگاھلاندۇرغانلىقى، يائىرغا ميامىدىن دەرھال ئايرىلىش بۇيرۇقى بېرىلگەنلىكى ۋە شۇنىڭ بىلەن يائىرنىڭ كېرەكلىك بۇيۇملىرىنىمۇ ئالماي ئالدىراپ- تېنەپ ئىسرائىلىيەگە قايتقانلىقى بىلدۈرۈلدى.
نېتانياھۇ 24-ئاۋغۇست ئىسرائىلىيە مەركەزلىك 14-قانالغابەرگەن باياناتىدا، ئوغۇللىرىدىن بىرىنىڭ ئىراننىڭ ھۇجۇم نىشانى بولغانلىقىنى ئىلگىرى سۈرگەن ئىدى.
