غەززەدىكى پەلەستىن سەھىيە مىنىستىرلىقى تەرىپىدىن ئېلان قىلىنغان باياناتتا، ئىسرائىلىيەنىڭ 2023-يىلى ئۆكتەبىردىن بۇيان غەززە رايونىغا قىلىۋاتقان ھۇجۇملىرىدا ئۆلتۈرۈلگەنلەرگە ئائىت ئەڭ يېڭى سانلىق مەلۇماتلار ھەمبەھرىلەندى.
باياناتتا، ئىسرائىلىيە ھۇجۇملىرى سەۋەبىدىن يېقىنقى 48 سائەت ئىچىدە غەززەدىكى دوختۇرخانىلارغا 6 كىشىنىڭ جەسىتىنىڭ ئېلىپ كېلىنگەنلىكى ۋە 43 كىشىنىڭ يارىلانغانلىقى بىلدۈرۈلدى.
ئۇرۇش توختىتىش يولغا قويۇلغان 2025-يىلى ئۆكتەبىردىن بۇيان ئىسرائىلىيە ھۇجۇملىرىدا ھاياتىدىن ئايرىلغانلار سانىنىڭ 1511 گە، يارىلانغانلار سانىنىڭ 5375 كە يەتكەنلىكى ئۇقتۇرۇلغان باياناتتا، ئوخشاش مەزگىلدە خارابىلىكلەر ئاستىدىن 838 كىشىنىڭ جەسىتىنىڭ چىقىرىلغانلىقى قەيت قىلىندى.
باياناتتا، ئىسرائىلىيەنىڭ غەززە رايونىغا قاراتقان ھۇجۇملىرى باشلانغاندىن بۇيان، ئۆلتۈرۈلگەنلەر ئومۇمىي سانىنىڭ 74 مىڭ 469 غا، يارىدارلار سانىنىڭ بولسا 175 مىڭ 492 گە يەتكەنلىكى بىلدۈرۈلدى.
سەھىيە مىنىستىرلىقى تەرىپىدىن ئېلان قىلىنغان باياناتتا، ئەدلىيەلىك تېببىي تەكشۈرۈش مەھكىمىسىنىڭ 10-ئۆكتەبىردىن بۇيان يوقاپ كەتكەنلەر ئارخىپى ۋە مەلۇماتلار ئۈستىدە ئېلىپ بارغان تەكشۈرۈشلىرى نەتىجىسىدە كىملىكى مۇئەييەنلەشتۈرۈلگەن يەنە 67 كىشىنىڭ ئومۇمىي ئۆلگەنلەر سانىغا قوشۇلغانلىقى بىلدۈرۈلدى.
غەززە رايونىدا خارابىلىكلەر ئاستىدا تېخىچە مىڭلىغان جەسەتنىڭ بارلىقى مۆلچەرلەنمەكتە.
