ساقچى تەرەپ پەيشەنبە (2026-يىلى 11-ئىيۇن) كۈنى، خىتاينىڭ جەنۇبىدىكى گۇاڭشى جۇاڭزۇ ئاپتونوم رايونىدا يۈز بەرگەن پارتلاشتا ئاز دېگەندە يەتتە ئادەمنىڭ جېنىدىن ئايرىلغانلىقىنى، 17 ئادەمنىڭ يارىلانغانلىقىنى بىلدۈردى.

ھۆكۈمەت ئىگىدارچىلىقىدىكى «يەر شارى ۋاقتى گېزىتى» (Global Times) نىڭ خەۋىرىگە قارىغاندا، پارتلاش پەيشەنبە كۈنى شۇ يەرنىڭ ۋاقتى ئەتىگەن سائەت 1:40 ئەتراپىدا (گىرىنۋىچ ۋاقتى چارشەنبە سائەت 17:40 تە) شىڭئەن ناھىيەسىدە يۈز بەرگەن.

دەسلەپكى تەكشۈرۈشلەردە تۇرۇبا گازى ۋە شۇنىڭغا ئوخشاش ئامىللارنىڭ پارتلاش سەۋەبى ئىكەنلىكى رەت قىلىنغان. ساقچى تەرەپنىڭ بىلدۈرۈشىچە، جەمئىيەت خەۋپسىزلىك دائىرىلىرى ۋەقەنىڭ كېلىپ چىقىش سەۋەبىنى داۋاملىق تەكشۈرمەكتە ئىكەن. يارىلانغانلار دوختۇرخانىغا ئورۇنلاشتۇرۇلغان بولۇپ، ئۇلارنىڭ ھەممىسىنىڭ ئەھۋالى مۇقىملاشقان.

نەق مەيداندىكى قۇتقۇزۇش خىزمەتلىرى داۋاملاشماقتا.

شىڭئەن بازىرى كان بايلىقى ۋە يېزا ئىگىلىك بايلىقى مول بولغان تاغلىق رايونغا جايلاشقان.

مۇناسىۋەتلىك ئۇچۇرلارTRT World - Massive explosion at fireworks factory in China kills 21