كانادا باش مىنىستىرى مارك كارنېي دۆلەتنىڭ ئالبېرتا ئۆلكىسىدىكى بىر ھەربىي بازىدا يۈز بەرگەن «ئېغىر بىر ۋەقەنىڭ» زور بىر ئوت ئاپىتىگە سەۋەب بولغانلىقىنى ئېلان قىلدى. دۆلەت مۇداپىئە مىنىستىرى داۋىد ماكگۇينتى ۋەقەدە ئۆلگەنلەر ۋە يارىلانغانلارنىڭ بارلىقىنى دەلىللىدى.
كارنېي X سۇپىسىدىن ئېلان قىلغان باياناتىدا، ۋەقەنىڭ ئېدمونتون شەھىرىنىڭ تەخمىنەن 210 كىلومېتىر شەرقىگە جايلاشقان كانادا قوراللىق قىسىملىرىغا تەۋە ۋېينرايت ھەربىي بازىسىدا يۈز بەرگەنلىكىنى بىلدۈردى.
دۆلەت مۇداپىئە مىنىستىرى ماكگۇينتى شەنبە كۈنى كېچىكىپ ئېلان قىللغان باياناتىدا، ۋەقەدە ئادەم ئۆلۈش ۋە يارىلىنىشلارنىڭ يۈز بەرگەنلىكىنى ئۇقتۇردى.
ماكگۇينتى ژۇرنالىستلارغا بەرگەن باياناتىدا: «بازىدا يۈز بەرگەن ۋەقە نەتىجىسىدە ئۆلگەنلەر ۋە يارىلانغانلارنىڭ بارلىقىنى قايغۇرۇش بىلەن ئورتاقلىشىمەن» دېدى.
كانادا دۆلەت مۇداپىئە مىنىستىرلىقىدىن بىر باياناتچى ھۆكۈمەتنىڭ ئەھۋاللارنى يېقىندىن كۆزىتىۋاتقانلىقىنى ۋە يېڭى ئۇچۇرلار ئىگىلىنىشى ھامان ئامما بىلەن ھەمبەھرىلىنىدىغانلىقىنى بىلدۈردى.
ۋېينرايت يەرلىك ھۆكۈمىتى ئوت ئاپىتىنىڭ شۇ كۈنى سەھەردە ھەربىي بازىنىڭ ئەتراپىدىكى بىخەتەرلىك توساقلىرىدىن ھالقىپ، يېقىندىكى بىر رايونغا كېڭەيگەنلىكىنى ۋە ئوتقا ئۆچۈرۈش خىزمەتلىرىنىڭ داۋاملىشىۋاتقانلىقىنى ئېلان قىلدى.
يەرلىك ھۆكۈمەت ھېچقانداق بىخەتەر جايغا يۆتكەش بۇيرۇقىنىڭ بېرىلمىگەنلىكىنى بىلدۈردى.
ۋېينرايت ھەربىي بازىسى، كانادا قۇرۇقلۇق قىسىملىرىنىڭ ئەڭ كۆپ ئىشلىتىلىدىغان بازىلىرىدىن بىرى سۈپىتىدە بىلىنىدۇ.
