سۈرىيە تاشقى ئىشلار مىنىستىرلىقى «يېڭى جۇمھۇرىيەت» نىڭ پۇقرالىق پرىنسىپى ئۈستىگە قۇرۇلغانلىقىنى ۋە سۈرىيە خەلقىنىڭ بىرلىكى ۋە پۈتۈنلۈكىنىڭ ئەبەدىي مۇقىملىقنىڭ ئۇلى ئىكەنلىكىنى تەكىتلىدى.
سۈرىيە تاشقى ئىشلار مىنىستىرلىقى، ئۇرۇش توختىتىشنىڭ دۆلەت ئورگانلىرىنىڭ بىرلەشتۈرۈلۈشى، ئىگىلىك ھوقۇقنىڭ قايتىدىن تىكلىنىشى ۋە ئەتراپلىق بىر مىللىي ئەسلىگە كېلىش مۇساپىسىنىڭ باشلىنىشى يولىدىكى ھاياتىي بىر قەدەمگە ۋەكىللىك قىلىدىغانلىقىنى بىلدۈردى.
مىنىستىرلىق تەرىپىدىن يەكشەنبە كۈنى ئېلان قىلىنغان باياناتتا، سۈرىيەنىڭ «يېڭى جۇمھۇرىيىتى» نىڭ پۇقرالىق پرىنسىپى ئۈستىگە قۇرۇلغانلىقى ئىپادىلىنىپ، بارلىق تەركىبلىرى بىلەن سۈرىيە خەلقىنىڭ بىرلىكى ۋە باراۋەرلىكىنىڭ، ئەبەدىي مۇقىملىقنىڭ ئۇل تېشى ئىكەنلىكى تەكىتلەندى. باياناتتا، سۈرىيەنىڭ ئىجتىمائىي كۆپ خىللىقىنىڭ بىر پارچىلىنىش سەۋەبى ئەمەس، ئەكسىچە بىر كۈچ مەنبەسى ئىكەنلىكى تەرىپلەندى.
باياناتتا؛ دۆلەتنىڭ، سۈرىيە دېموكراتىك كۈچلىرى (س د گ)/ي پ گ نىڭ دۆلەت قۇرۇلمىلىرىغا ئورگان ۋە ھەربىي جەھەتتىن بىر گەۋدىلىشىشىنىمۇ ئۆز ئىچىگە ئالغان ھالدا، پۈتۈن مەملىكەت مىقياسىدا ئورگان خاراكتېرلىك بىرلىكنى مۇستەھكەملەش ۋە دۆلەت ھوقۇقىنى قايتىدىن تىكلەش ئۈچۈن ئەمەلىي قەدەملەر بىلەن ئىلگىرىلەۋاتقانلىقى ئەسكەرتىلدى. بۇ ئورۇنلاشتۇرۇشلارنىڭ بىخەتەرلىكنى ساقلاش، ئورگان خاراكتېرلىك بوشلۇقلارنىڭ ئالدىنى ئېلىش ۋە دۆلەتنىڭ قانۇن دائىرىسىدە كۈچ ئىشلىتىشتىكى ئالاھىدە ھوقۇقىنى جەزملەشتۈرۈش مەقسىتىدە لايىھەلەنگەنلىكى بىلدۈرۈلدى.
بۇ ئۇسۇلنىڭ بىر قىسمى سۈپىتىدە مىنىستىرلىق، دۆلەت باشلىقى ئەھمەد شارا جۈمە كۈنى ئېلان قىلغان سۈرىيەلىك كۇردلارنىڭ مەدەنىيەت ۋە تىل ھوقۇقلىرىنى ئېتىراپ قىلىدىغان، پۇقرالىقى يوق ئاھالىلەرنىڭ ئەھۋالى ۋە ھەل قىلىنمىغان مۈلۈك مەسىلىلىرىنى ئۆز ئىچىگە ئالغان، ئۇزۇن ۋاقىتتىن بېرى داۋاملىشىپ كەلگەن پۇقرالار ۋە قانۇنىي مەسىلىلەرنى بىر تەرەپ قىلىدىغان پەرمانغا ئىشارەت قىلدى. پەرماننىڭ، ئايرىمچىلىق قىلماي ھوقۇققا كاپالەتلىك قىلىدىغان، ھەممىنى ئۆز ئىچىگە ئالغۇچى بىر دۆلەت بەرپا قىلىشقا قارىتىلغان سىياسىي ۋە قانۇنىي بىر ۋەدىنى ئەكس ئەتتۈرىدىغانلىقى ئىپادىلەندى.
باياناتقا ئاساسلانغاندا، يەكشەنبە كۈنى ھاسىل قىلىنغان كېلىشىملەر بولسا بارلىق سەپلەردە ۋە تۇقۇنۇش لىنىيەلىرىدە دەرھال ۋە ئكەڭ دائىرىلىك ئۇرۇش توختىتىش بىلەن بىرگە، دەيرۇززۇرنىڭ شەرق تەرىپى ۋە رەققەنىڭ شىمالىي شەرق ئىشتاتلىرىنىڭ تولۇق مەمۇرىي ۋە ھەربىي كونتروللۇقىنىڭ سۈرىيە ھۆكۈمىتىگە ئۆتكۈزۈپ بېرىلىشىنى ئۆز ئىچىگە ئالىدۇ. بۇ ئۆتكۈزۈپ بېرىش مۇساپىسى پۇقراۋى ئورگانلىرى ۋە ئەسلىھەلىرىنىڭ دۆلەت تەرىپىدىن ئۆتكۈزۈۋېلىنىشىنى، نۆۋەتتىكى خىزمەتچىلەرنىڭ مۇناسىۋەتلىك مىنىستىرلىقلار تەركىبىدە رەسمىي ۋەزىپە ئۆتىشىنى ۋە ھاساكا ئىشتاتىدىكى ئاممىۋى ئورگانلارنىڭ دۆلەتنىڭ مەمۇرىي قۇرۇلمىسىغا بىر گەۋدىلىشىشىنىمۇ ئۆز ئىچىگە ئالىدۇ.
«بەلگىلىگۈچى بىر بۇرۇلۇش نۇقتىسى»
مىنىستىرلىق، كېلىشىمنىڭ قان تۆكۈلۈشنىڭ ئالدىنى ئېلىش ۋە مەسئۇلىيەتچان بىر مىللىي شېرىكچىلىكنىڭ ئۇلىنى سېلىش بىلەن بىرگە، ئىززەت-ھۆرمەت، ھوقۇق ۋە ئىجتىمائىي تىنچلىقنى قوغدايدىغان سۆھبەت، ئەقىلگە مۇۋاپىق ھەل قىلىش چارىلىرى ۋە كېلىشىم ئاساسىدىكى ئۇسۇللارغا بولغان تەۋرەنمەس ساداقەتنى نامايان قىلغانلىقىنى قەيت قىلدى. كېلىشىم، بىرلەشكەن ئورگانلار، مۇقىملاشقان بىخەتەرلىك ۋە ئەسلىگە كېلىش بىلەن قايتا قۇرۇشقا قارىتىلغان ئەتراپلىق بىر مىللىي يول بىلەن تەرىپلەنگەن يېڭى بىر باسقۇچنى باشلىغان «بەلگىلىگۈچى بىر بۇرۇلۇش نۇقتىسى» دەپ سۈپەتلەندى.
مىنىستىرلىق يەنە خەلقئارا جەمئىيەتنى كېلىشىمنى قوللاشقا چاقىرىپ، بۇنى يەرلىك بىخەتەرلىكنى كۈچەيتىش، رايون خاراكتېرلىك مۇقىملىقنى ئىلگىرى سۈرۈش، ئىقتىسادىي ئەسلىگە كېلىشكە ۋە ئورتاق مەنپەئەتكە تۆھپە قوشۇش ئۈچۈن سۈرىيەلىكلەرنىڭ پىداكارلىقلىرىغا ۋە قەيسەرلىكىگە لايىق ھەقىقىي بىر پۇرسەت دەپ تەرىپلىدى.
