جۇمھۇر رەئىس رەجەپ تاييىپ ئەردوغان جۇمھۇر رەئىسلىك سارىيىدىكى مىنىستىرلار كابىنېتى يىغىنىدىن كېيىن خەلققە خىتاب قىلدى.
نۇتىقىدا «بىز تارىخى بىلەن بۈيۈك، ۋىجدانى بىلەن بۈيۈك بىر مىللەتنىڭ ئەزالىرىمىز. ئەسىرلەر بويى يىقىلغاننىڭ قولىدىن تۇتتۇق، بېشىغا كۈن چۈشكەننىڭ ھالىغا يەتتۇق. دۆلىتىمىزدىن پاناھلىق تىلىگەنلەرگە ئىشىكىمىزنى ئاچتۇق» دېگەن ئەردوغان، ئىسرائىلىيە ھۆكۈمىتىنى قاتتىق تەنقىد قىلدى.
ئەردوغان مۇنداق دېدى:
«قوللىرى كۆپىنچىسى ئاياللار ۋە بالىلاردىن تەشكىل تاپقان 73 مىڭ بىگۇناھ غەززەلىك پۇقرانىڭ قېنى بىلەن بويالغان قاتىللار گۇرۇھىنىڭ دۆلىتىمىزگە قاراتقان بوھتانلىرىغا قىلچە پىسەنت قىلمايمىز. بىزنىڭ تارىخىمىزدا نە ئىرقىي قىرغىنچىلىق، نە قەتلىئام، نە زۇلۇم، نە مۇستەملىكىچىلىك بار. بىزنىڭ مىڭلارچە يىللىق شانلىق تارىخىمىزدا پەقەت ئادالەت ۋە مەرھەمەتلا بار. دىنىغا، كېلىپ چىقىشىغا، كىملىكىگە قارىماي بارلىق مەزلۇملارغا ياردەم قولىنى سۇنۇش بار. تەكشۈرۈش سوتلىرىدىن ۋە ناتسىستلارنىڭ زۇلۇمىدىن قاچقانلارغا ئىگىدارچىلىق قىلىش پەزىلىتى بار. <تەختىمنى بېرىمەن، تاجىمنى بېرىمەن، ئەمما دۆلىتىمگە پاناھلىق تىلەپ كەلگەنلەرنى بەرمەيمەن> دېگەن قەھرىمان ئەجدادلىرىمىزنىڭ قەتئىي ئىرادىسى بار. ئەگەر ئۆز تارىخلىرىغا قارىسا، غەززەدىكى ۋەھشىيلىكلىرىنى يوشۇرۇش ئۈچۈن تۈركىيەگە ۋە تۈركىيە خەلقىگە بوھتان چاپلىغانلارمۇ بۇنى ناھايىتى ياخشى بىلىدۇ.»
