ھازىرغىچە ھېچبىر گۇرۇپپا بۇ ۋەقەلەرنىڭ مەسئۇلىيىتىنى ئۆز ئۈستىگە ئالمىدى.
دۆلەتلىك خەۋەر ئاگېنتلىقى پېترا (Petra) نىڭ ئاشكارىلىشىچە، ئىيوردانىيە ئارمىيەسى سەيشەنبە كۈنى ئەتىگەن تەەپتە دۆلەتنىڭ شەرق قىسمىدىكى چۆللۈكتە پادىشاھلىقن ھاۋا بوشلۇقىغا كىرگەن بىر ئۇچقۇچىسىز ئايروپىلاننى ئېتىپ چۈشۈرگەن.
ئارمىيە، ئۇچقۇچىسىز ئايروپىلاننىڭ ئىيوردانىيە ھاۋا بوشلۇقىغا كىرگەندىن كېيىن پاچاقلاپ تاشلانغانلىقىنى بىلدۈدى ۋە ھېچقانداق ئادەم ئۆلۈش ياكى ماددىي زىيان زىيان كۆرۈلمىگەنلىكىنى ئېيتتى.
بۇ ۋەقە، ئىيوردانىيە ئارمىيەسىنىڭ پادىشاھلىقنى نىشانلىغان ئىككى ئۇچقۇچىسىز ئايروپىلاننى ئېتىپ چۈشۈرگەنلىكىنى جاكارلىغاندىن بىر كۈن كېيىن يۈز بەردى. ئىسرائىلىيە ئارمىيەسىمۇ ئىيوردانىيە چېگراسىغا يېقىن جايدىكى ئىككى ئۇچقۇچىسىز ئايروپىلاننى پاچاقلاپ تاشلىغانلىقىنى، بىراق بۇلارنىڭ ئىسرائىلىيە ھاۋا بوشلۇقىغا كىرمىگەنلىكىنى بىلدۈردى.
بۇ ۋەقە يەنە، سەئۇدى ئەرەبىستانىنىڭ دۈشەنبە كۈنى ئىراق تەرەپتىن ئېتىپ چۈشۈرۈلگەن ۋە سەئۇدى ئەرەبىستان نېفىت ئەسلىھەلىرىگە ھۇجۇم قىلىشقا ئۇرۇنغان بىر قانچە ئۇچقۇچىسىز ئايروپىلاننى پاچاقلاپ تاشلىغانلىقىنى جاكارلىغىنىدىن كېيىن مەيدانغا كەلدى.
ھېچقايسى تەرەپ ئۇچقۇچىسىز ئايروپىلان ۋەقەلىرىنىڭ جاۋابكارلىقىنى ئۆز ئۈستىگە ئالمىدى.
يەكشەنبە كۈنى ئىران ھەربىي باياناتچىسى، ئامېرىكانىڭ ئالدىنقى ئىككى كۈن بويىچە ئىرانغا قاراتقان ھۇجۇملىرىنى توختاتقاندىن كېيىن، تېھراننىڭمۇ ھەربىي مەشغۇلاتلىرىنى توختاتقانلىقىنى ئېلان قىلغان ئىدى.
Axios ئاگېنتلىقى، ئامېرىكا پېرىزىدېنتى دونالد ترامپنىڭ تەخمىنەن ئىككى ھەپتە داۋاملاشقان ھۇجۇملاردىن كېيىن، ئارمىيەگە ئىرانغا قاراتقان تېخىمۇ كۆپ ھۇجۇملارنى توختىتىش بۇيرۇقى بەرگەنلىكىنى خەۋەر قىغان ئىدى.
واشىنگتون بىلەن تېھران ئوتتۇرىسىدىكى جىددىيچىلىك يېقىنقى ھەپتىلەردە يۇقىرى پەللىگە چىققان ئىدى. ئامېرىكا ئىراننىڭ ئىچكى قىسمىغا ھۇجۇملارنى قىلغان بولسا، ئىرانمۇ ئامېرىكا ھەربىي ئەسلىھەلىرى ۋە جابدۇقلىرى مەۋجۇت دەپ قارايدىغان ئورۇنلارنى ھۇجۇم نىشانى قىلىپ قايتۇرما زەربە بەرگەن ئىدى.
