دۇنيا سەھىيە تەشكىلاتى باش كاتىپى تېدروس ئادانوم گېبرېيۇس ئاممىۋى ئورتاقلىشىش تور بېتى X سەھىپىسىدە ئېلان قىلغان بۇ ھەقتىكى باياناتىدا، 2024 - يىلى ئافرىقا مىقياسىدا 350 مىڭ ئايالنىڭ ئەمچەك ۋە بەچچىدان راكى سەۋەبىدىن ھاياتىدىن ئايرىلغانلىقىنى ئېيتتى. ئۇ ھەر 1 ئىستاتىستىكىلىق مەلۇماتنىڭ ئارقىسىدا 1 ئايال، ئائىلە ۋە جەمئىيەتنىڭ بارلىقىنى تەكىتلىدى.

ھۆكۈمەتلەرنى، سىياسەت بەلگىلىگۈچىلەرنى ۋە ئالاقىدار تەرەپلەرنى ئاياللارنىڭ راك كېسەللىكلىرى مەسىلىسىدىكى ھەرىكەتلىرىنى تېزلىتىشكە چاقىرغان تېدروس ئادانوم گېبرېيۇس، بۇ مەسىلىنى سەھىيە سىياسەتلىرىنىڭ چېتىدىن ئېلىپ، ئافرىقانىڭ سەھىيە، تەرەققىيات ۋە پۇل - مۇئامىلە كۈنتەرتىپىنىڭ مەركىزىگە ئورۇنلاشتۇرۇشنى تەۋسىيە قىلىدىغانلىقىنى ئالاھىدە تەكىتلىدى.