دۇران «بىر مىللەت، ئىككى دۆلەت» چۈشەنچىسىنى تەكىتلەپ، تۈركىيە-ئەزەربەيجان قېرىنداشلىقىنىڭ مەڭگۈلۈك بولىدىغانلىقىنى تەكىتلىدى.

تۈركىيە جۇمھۇرىيىتى جۇمھۇر رەئىسلىك ئۇچۇر-ئالاقە باشقارمىسى باشلىقى بۇرھانەتتىن دۇران، ئەزەربەيجاننىڭ مۇستەقىللىق كۈنىگە ئالاقىدار ئۇچۇر ھەمبەھىرلىدى.

دۇران ئۆزىنىڭ ئىجتىمائىي تاراتقۇ ھېسابىدىن ئېلان قىلغان باياناتىدا مۇنداق دېدى:

«ئەزەربەيجاننىڭ 28-ماي مۇستەقىللىق كۈنىنى ئەڭ سەمىمىي تۇيغۇلىرىم بىلەن تەبرىكلەيمەن. بۇ ئەھمىيەتلىك كۈندە، جان ئەزەربەيجاننىڭ مۇستەقىللىقى ۋە زېمىن پۈتۈنلۈكى يولىدا جانلىرىنى پىدا قىلغان بارلىق شېھىتلەرنى رەھمەت، غازىلىرىمىزنى مىننەتدارلىق بىلەن ئەسلەيمەن. قېرىنداش ئەزەربەيجان خەلقىگە چۆڭقۇر مۇھەببىتىم بىلەن سالام يوللايمەن.

جۇمھۇر رەئىسىمىز ھۆرمەتلىك رەجەپ تاييىپ ئەردوغان بىلەن ئەزەربەيجان جۇمھۇر رەئىسى ھۆرمەتلىك ئىلھام ئەلىيېۋنىڭ كۈچلۈك رەھبەرلىكى ۋە تەۋرەنمەس ھەمكارلىقى سايىسىدا، ئىككى دۆلەت ئوتتۇرىسىدىكى ئىستراتېگىيەلىك شېرىكلىك، رايوننىڭ تىنچلىقى ۋە مۇقىملىقى نۇقتىسىدىن ھەمكارلىقنى داۋاملاشتۇرماقتا. <بىر مىللەت، ئىككى دۆلەت> چۈشەنچىسى بىلەن قېرىنداشلىقىمىز ئەبەدىي بولسۇن.»