زېلېنسكىي ئىجتىمائىي تاراتقۇ ھېسابىدا ئېلان قىلغان يازما باياناتىدا، دۆلىتىنىڭ ئېنېرگىيە ئۇل ئەسلىھەلىرىگە قىلىنىۋاتقان رۇسىيە ھۇجۇملىرى ئۈستىدە توختالدى.
پايتەخت كىيېۋدىكى بىر ئىسسىقلىق ئېلېكتر ئىستانسىسىنىڭ بۈگۈن كېچە نىشان قىلىنغانلىقىنى قەيت قىلغان زېلېنسكىي، دىنىپروپېتروۋسك رايونىدا 4 ئوخشىمىغان توك تىرانسفورموتور مەركىزىنىڭ زەربىگە ئۇچرىغانلىقىنى بىلدۈردى.
ئوكرائىنانىڭ ئوخشىمىغان رايونلىرىدا تۆمۈريول ئۇل ئەسلىھەلىرىگىمۇ ھۇجۇملار قىلىنغانلىقىنى ئەسكەرتكەن زېلېنسكىي: «رۇسىيە يەنە دىنىپروپېتروۋسك رايونىدىكى بىر تەبىئىي گاز تارقىتىش ئەسلىھەسىگىمۇ ھۇجۇم قىلدى» دېدى.
زېلېنسكىي، كېچىدىكى ھۇجۇملار سەۋەبىدىن دۆلەتتە توك توختاپ قېلىش ئەھۋاللىرىنىڭ يۈز بەرگەنلىكىنى ئىپادىلەپ، دىنىپروپېتروۋسك رايونىدا تەخمىنەن 200 مىڭ ئائىلىنىڭ، كىيېۋ رايونىدا بولسا 80 مىڭدىن ئارتۇق ئائىلىنىڭ توكسىز قالغانلىقىنى بىلدۈردى.
دۆلىتىگە قىلىنىۋاتقان ھۇجۇملارنىڭ داۋاملىشىۋاتقانلىقىنى قەيت قىلغان زېلېنسكىي: «ھەقىقىي تىنچلىققا قاراپ كۈچلۈك قەدەملەرنىڭ تاشلىنىشى كېرەك. بۇلار تاجاۋۇزچىغا قارشى ئېمبارگولار ۋە ئوكرائىنا ئۈچۈن يېڭى قوللاش پىلانلىرىدۇر» دېدى.
