ئىراقنىڭ كەركۈك شەھىرىدە تەخمىنەن 1 ھەپتە داۋاملىشىدىغان 4-نۆۋەتلىك ئەنئەنىۋى ئانار بايرىمى باشلاندى.
كەركۈك شەھەر مەركىزىدىكى ئەدەن مەھەللىسىگە جايلاشقان بابا گۈرگۈر باغچىسى نۇرغۇن كىشىنىڭ ئىشتىراك قىلىشى بىلەن ئۆتكۈزۈلگەن ئانار بايرىمى پائالىيىتىگە ساھىبخانلىق قىلماقتا.
بايرامنى تەشكىللىگۈچى ئىبراھىم خەلىل كەركۈكتە بۇ يىل 4-قېتىملىقى ئۆتكۈزۈلگەن ئانار بايرىمىغا بولغان قىزىقىشنىڭ يۇقىرى ئىكەنلىكىنى بىلدۈردى.
بۇ ۋە مۇشۇنىڭغا ئوخشاش پائالىيەتلەرنىڭ مەقسىتى يەرلىك مەھسۇلاتلارغا ئەھمىيەت بېرىش ۋە ئىشلەپچىقىرىشنى كېڭەيتىش ئىكەنلىكىنى ئەسكەرتكەن خەلىل، بۇنىڭدىن مەقسەتنىڭ كەركۈكلۈك دېھقانلارنى قوللاش ئىكەنلىكىنى ئېيتتى.
خەلىل پائالىيەتتە ئانار سورتلىرى بىلەن بىرگە ئانار شەربىتى ۋە ئانار شىرنىسىنىڭمۇ كۆرگەزمە قىلىنغانلىقىنى تىلغا ئېلىپ، دېھقانلارنىڭ بۇ بايرامغا تەخمىنەن 42 توننا ئانار بىلەن قاتناشقانلىقىنى ئۇقتۇردى.
ئانار بايرىمى پائالىيىتى 3-نويابىرغىچە داۋاملىشىدۇ.
