خىتاي پەيشەنبە (2026-يىلى 23-ئىيۇل) كۈنىدىن باشلاپ، شەرقىي جەنۇبتىكى فۇجيەن ئۆلكىسىنىڭ قىرغاقلىرىغا يېقىن تەيۋەن بوغۇزىنىڭ بىر قىسىم رايونلىرىدا ئىككى كۈنلۈك ھەربىي مانېۋىر باشلىدى.

مەزكۇر خەۋەر، ئامېرىكا تاشقى ئىشلار مىنىستىرى ماركو رۇبىيو بىلەن خىتاي تاشقى ئىشلار مىنىستىرى ۋاڭ يى بىر يۈرۈش مەسىلىلەر، جۈملىدىن خىتاي ئۆز زېمىنى دەپ دەۋا قىلىدىغان تەيۋەن مەسىلىسى ئۈستىدە سۆھبەتلەشكەندىن بىر كۈن كېيىن ئوتتۇرىغا چىقتى.

خىتاي دېڭىز ئىشلىرى دائىرىلىرىنىڭ ئۇقتۇرۇشىغا قارىغاندا، مانېۋىر ھەر كۈنى ئەتىگەن سائەت 6:00 دىن كەچ سائەت 6:00 گىچە (گىرىنۋىچ ۋاقتى 22:00 دىن 10:00 گىچە) گۇاڭدوڭ ئۆلكىسى بىلەن چېگرالىنىدىغان دۇڭشەن ئارىلى ئەتراپىدا ئېلىپ بېرىلىدىكەن.

ئامېرىكا ئۆتكەن يىلى (2025) 12-ئايدا ئۆزىنى ئۆزى باشقۇرىدىغان بۇ ئارال ئۈچۈن رېكورت سەۋىيەدە 11.1 مىليارد دوللارلىق قورال-ياراغ ياردەم پىلانىنى ئېلان قىلغاندىن كېيىن، خىتاي تەيۋەننى قورشاپ تۇرۇپ ئەڭ كەڭ كۆلەملىك ئۇرۇش مانېۋىرى ئۆتكۈزگەن ئىدى.

تەيۋەن ھۆكۈمىتى خىتاينىڭ ئىگىلىك ھوقۇقى دەۋاسىنى رەت قىلىدۇ.

ئەينى ۋاقىتتىكى 10 سائەتلىك مانېۋىر جەريانىدا، خىتاي خەلق ئازادلىق ئارمىيەسى شەرقىي ئۇرۇش رايونى قوماندانلىق ئىشتابى تەيۋەننىڭ شىمالىي ۋە جەنۇبىي دېڭىز تەۋەلىكىگە باشقۇرۇلىدىغان بومبا قويۇپ بەرگەن ئىدى.

مۇناسىۋەتلىك ئۇچۇرلارTRT World - China unveils steps to expand Taiwan relations