پاكىستان ھۆكۈمىتى مەنبەلىرى دۈشەنبە كۈنى ئانادولۇ ئاگېنتلىقىغا بەرگەن باياناتىدا، پاكىستان بىلەن قاتارنىڭ جىددىيچىلىكنى ئازايتىش ئۈچۈن بىرلىكتە بىر تەكلىپ ئوتتۇرىغا قويغانلىقىنى ئېيتتى. ئىككى دۆلەت ئايلارچە داۋاملاشقان ئۇرۇشنى تولۇق ئاخىرلاشتۇرۇش مەقسىتىدە ئېلىپ بېرىلغان، ئەمما توختاپ قالغان سۆھبەتلەرنى قايتىدىن باشلاشنىڭ «تۇنجى قەدىمى سۈپىتىدە»، ئامېرىكا بىلەن ئىراننى 9-ئىيۇلدىن ئىلگىرىكى پوزىتسىيەگە قايتىشقا چاقىردى.
مەنبەلەر، ئىسلاماباد بىلەن دوھا تەرىپىدىن «رايون خاراكتېرلىك شېرىكلەر بىلەن كېڭەشكەندىن كېيىن» بىرلىكتە تەييارلانغان تەكلىپنىڭ، ئىككى تەرەپنى يېڭى توقۇنۇشلار باشلىنىشتىن ئىلگىرىكى ئىلگىرىكى مەۋقەگە قايتىشقا چاقىرغانلىقىنى بىلدۈردى.
ئىران دۈشەنبە كۈنى جىددىيچىلىكنى ئازايتىشنى مەقسەت قىلغان ۋاسىتىچىلەردىن كەلگەن تەكلىپلەرنى تاپشۇرۇپ ئالغانلىقىنى ۋە تەتقىق قىلىۋاتقانلىقىنى جەزملەشتۈرۈش بىلەن بىرگە، ۋاشىنگتون بىلەن تېھران ئوتتۇرىسىدا يۈز بەرگەن ئۆزئارا ھۇجۇملار داۋاملىشىۋاتقان بىر مۇھىتتىمۇ دىپلوماتىيەگە سادىق ئىكەنلىكىنى يەنە بىر قېتىم تەكىتلىدى.
ئىران تاشقى ئىشلار مىنىستىرلىقىنىڭ باياناتچىسى ئىسمائىل بەقايى ئاخبارات ئېلان قىلىش يىغىنىدا، ۋاسىتىچىلەرنىڭ جىددىيچىلىكنىڭ ئۆرلىشىنىڭ ئالدىنى ئېلىش ئۈچۈن ئىشلاۋاتقانلىقىنى ۋە تېھرانغا تەكلىپلەرنى يەتكۈزگەنلىكىنى ئېيتتى.
بەقايى: «تەكلىپلەرنى ۋاسىتىچىلەر ئارقىلىق تاپشۇرۇپ ئالدۇق، ئەمما بۇ باسقۇچتا تەپسىلاتىنى ئاشكارىلىمايمىز» دېدى.
ئۆتكەن ئاي پاكىستاننىڭ ۋاسىتىچىلىكىدە ئىمزالانغان ھەم توقۇنۇشنى ئاخىرلاشتۇرۇشنى ۋە دائىمىي بىر تىنچلىق كېلىشىمى تۈزۈشنى مەقسەت قىلغان ئۆزئارا چۈشىنىش كېلىشىمىگە قارىماي، ئىران بىلەن ئامېرىكا ئوتتۇرىسىىكى ھەربىي توقۇنۇشلار داۋاملاشماقتا.
ئەمما جىددىيلىك ئۆتكەن ھەپتە ھورمۇز بوغۇزى مەسىلىسىدە يەنە بىر قېتىم كۈچىيىپ كەتتى.
داۋاملىشىۋاتقان ۋاسىتىچىلىك تىرىشچانلىقلىرىدىن خەۋەردار بىر پاكىستانلىق مەنبە: « بۇ تىرىشچانلىق 9-ئىيۇلدىن ئىلگىرىكى ئەھۋالغا قايتىش، ئېغىر توقۇنۇشلارنى توختىتىشنىڭ ۋە ئىسلاماباد ياكى دوھادا سۆھبەتلەرنى قايتىدىن باشلاشنىڭ يولىنى ئېچىشنىڭ تۇنجى قەدىمى بولىدۇ» دېدى.
مەنبەلەرنىڭ بىلدۈرۈشىچە، تەكلىپتە ئىراننىڭ ھورمۇز بوغۇزىنى «دەرھال» قايتىدىن ئاچىدىغانلىقى، ئامېرىكانىڭ بولسا ئىران پورتلىرىغا قاراتقان قامالنى ئاخىرلاشتۇرىدىغانلىقى ۋە ئىران نېفىتىنىڭ سېتىلىشىغا قاراتقان ئېمبارگولارنى بىكار قىلىدىغانلىقى ئوتتۇرىغا قويۇلغان.
مەنبەلەر يەنە بۇ لايىھەنىڭ، ئۆچ ئېلىش مەقسىتىدىكى ھەربىي ھۇجۇملارنى توختىتىش ئۈچۈن ئىككى ھەپتىلىك ئۇرۇش توختىتىشنى تەكلىپ قىلغانلىقىنى قوشۇمچە قىلدى.
ئامېرىكا پىرېزىدېنتى دونالد ترامپ، ئۆتكەن ھەپتە 9-ئىيۇلدا ئىراننىڭ ھورمۇز بوغۇزىدا ئۈچ سودا پاراخوتىغا قىلغان ھۇجۇملىرىدىن كېيىن، قامال ۋە نېفىتكە مۇناسىۋەتلىك ئېمبارگولارنىڭ قايتىدىن يولغا قويۇلىدىغانلىقىنى ئېلان قىلغان ئىدى.
مەنبەلەر يەنە، ۋاشىنگتون بىلەن تېھران كېلىشكەن تەقدىردە، توختاپ قالغان سۆھبەتلەرنىڭ «دەرھال» قايتىدىن باشلىنىدىغانلىقىنى ۋە لىۋاننىڭ جەنۇبىدىكى ئۇرۇش توختىتىشنى ئىجرا قىلىش مەسىلىسىنىڭ كۈن تەرتىپنىڭ ئەڭ ئالدىنقى ئورنىدىن ئورۇن ئالىدىغانلىقىنى ئېيتتى.
ئىسرائىلىيە قىسىملىرىنىڭ لىۋاننىڭ جەنۇبى بىلەن غەززەدىكى ئۇرۇش توختىتىشقا خىلاپلىق قىلىش قىلمىشلىرىنىڭ داۋاملىشىشى، 17-ئىيۇندا ئىمزالانغان شۇنداقلا ئىران بىلەن ئامېرىكا ئوتتۇرىسىدىكى ھەربىي توقۇنۇشقا ئۇلغايتتى شۇنداقلا دائىمىي بىر تىنچلىق كېلىشىمىنىڭ يولىنى ئېچىشنى مەقسەت قىلغان ئۆزئارا چۈشىنىش كېلىشىمىنى ئەمەلىيلەشتۈرۈشكە ئاساسلىق توسالغۇ بولدى.
ترامپ يەنە ئۆزئارا چۈشىنىش كېلىشىمىنىڭ «ئاخىرلاشقانلىقىنى» ئېلان قىلىپ، كېلىشىمگە ئەمەلىي خاتىمە بەردى ۋە يېڭى ھەربىي توقۇنۇشلارنى ئوتتۇرىغا چىقاردى.
پاكىستانلىق مەنبەلەر، ۋاسىتىچىلەرنىڭ ھەر ئىككى تەرەپتىن تەڭ «ئىجابىي» جاۋاب كۈتۈۋاتقانلىقىنى ۋە سۆھبەتلەرنىڭ «پات يېقىندا» قايتىدىن باشلىنىشىنى ئۈمىد قىلىۋاتقانلىقىنى ئېيتتى.
