تاشقى ئىشلار مىنىستىرى فىدان، 30-31-ئۆكتەبىردە ئاتلانتا شەھىرىدە ئۆتكۈزۈلگەن G20 تاشقى ئىشلار مىنىستىرلىرى يىغىنىدىن كېيىن ئىجتىمائىي تاراتقۇ ھېسابىدا ھەمبەھرىلگەن ئۇچىرىدا، يىغىن دائىرىسىدە قاتناشقان يىغىنلار ۋە ئۆتكۈزگەن سۆھبەتلەر ئۈستىدە توختالدى.
«گېئوسىياسىي جىددىيچىلىكلەر»، «ئېنېرگىيە» ۋە «تەمىنلەش زەنجىرلىرى» تېمىلىرى ئاستىدا ئۆتكۈزۈلگەن يىغىنلاردا، دۇچ كېلىۋاتقان سىناقلارنىڭ بىر-بىرى بىلەن بولغان ئالاقىسىنى ۋە يەرشارىۋى تەسىرلىرىنى باھالىغانلىقىنى قەيت قىلغان مىنىستىر فىدان، ئۇچۇرىدا مۇنۇلارنى بىلدۈردى:
«تۈركىيەنىڭ ئالدىنقى مەسىلىلىرىنى ۋە ھەل قىلىش تەكلىپلىرىنى سۆھبەتدېشىمىز بىلەن ئورتاقلاشتۇق. كۆرۈشكەن كەسىپداشلىرىمىز بىلەن ئىككى تەرەپلىك مۇناسىۋەتلىرىمىزنى ۋە ئورتاق كۈنتەرتىپىمىزنى مۇزاكىرە قىلدۇق. مېھماندوستلۇقى ئۈچۈن ئامېرىكا تاشقى ئىشلار مىنىستىرى رۇبىيوغا رەھمەت ئېيتىمەن. تۈركىيە بولۇش سۈپىتىمىز بىلەن يەرشارىۋى مەسىلىلەردە مەسئۇلىيەتنى ئۈستىمىزگە ئېلىشقا، كۆپ تەرەپلىمىلىكنى، ھەمكارلىقنى ۋە دىپلوماتىيەنى تەشەببۇس قىلىپ خەلقئارالىق تىنچلىق ۋە مۇقىملىقنىڭ ئورنىتىلىشىغا ھەسسە قوشۇشنى داۋاملاشتۇرىمىز.»
