ئىران بىلەن بولغان تىركىشىشتە غەلىبە قىلغانلىقىنى ئىلگىرى سۈرگەن ترامپ مۇنداق دېدى: «مەن سىلەرگە شۇنى ئېنىق ئېيتالايمەنكى، بۇ بىز قىلغان ئەڭ ياخشى ئىشلارنىڭ بىرى سۈپىتىدە تارىخ بەتلىرىدىن ئورۇن ئالىدۇ. چۈنكى، ئەگەر ئۇلار يادرو قورالىغا ئىگە بولۇپ قالغان بولسا، پۈتۈن دۇنيانى ۋەيران قىلغان بولاتتى. نېمىشقا دەمسىلەر؟ چۈنكى ئۇلار ساراڭ.»
ترامپ ئىران مەسىلىسى توغرىسىدا توختىلىپ: «بۇ يەردىكى ئاساسلىق سوئال شۇكى: بىز بۇ ئىشقا ھازىرلا خاتىمە بېرەمدۇق ياكى كېيىنمۇ؟ بىز كۈتسەكمۇ بولىدۇ، ئۇلارنىڭ بەزى قوشنىلىرى نۆۋەتتىكى ۋەزىيەتنىڭ مۇشۇ پېتى قېلىشىنى ئۈمىد قىلىدۇ» دېدى.
ئۇ ئىرانغا قىلىنغان ھۇجۇملاردا ئامېرىكا ئارمىيەسىنىڭ «بىرمۇ ئەسكەر يوقاتمىغانلىقى»نى ئالاھىدە تەكىتلەپ، ئۇزۇن يىل داۋاملاشقان ۋىيېتنام ئۇرۇشىنى مىسالغا ئالدى ۋە ئۇ يەردە مىڭلىغان ئامېرىكا ئەسكىرىنىڭ ھاياتىدىن ئايرىلغانلىقىنى ئەسلەتتى.
ترامپ سۆزىنى داۋاملاشتۇرۇپ: «مەن بېرىپلا ئۇلارنى ھازىرنىڭ ئۆزىدىلا ئاسانلا پارتلىتىۋېتەلەيمەن. ئەمما مەسىلە شۇكى، ۋەيران قىلىنغاندىن كېيىن ئۇ يەرلەرنى قايتا قۇرۇپ چىقىش مۇمكىن بولمايدۇ. ئەگەر كۆۋرۈكلەر بىلەن ئېلېكتىر ئىستانسىلىرىنى پارتلىتىۋەتسەم، ئۇلارنى قايتا ئەسلىگە كەلتۈرۈش ئۈچۈن بەك ئۇزۇن ۋاقىت كېتىدۇ. ھالبۇكى، ئۇلارنىڭ ناھايىتى ھەيۋەتلىك چوڭ كۆۋرۈكلىرى بار» دېدى.
