ئىران ئارمىيەسى باش ئىشتاب باشلىقى لېيتېنانت گېنېرال ئابدۇللاھ ئابدۇللاھى پارىس قولتۇقى دۆلەتلىرىنى ئاگاھلاندۇرۇپ، ئامېرىكانىڭ ئىرانغا قىلغۇسى ھەربىي ھەرىكەتلىرىگە ياردەم بەرمەسلىك كېرەكلىكىنى بىلدۈردى.
باش ئىشتاب باشقارمىسى تەرىپىدىن ئېلان قىلىنغان باياناتقا ئاساسلانغاندا، ئابدۇللاھى پارىس قولتۇقىنىڭ جەنۇبىي قىرغىقىدىكى دۆلەتلەر ئۆز زېمىنلىرىنى ئامېرىكانىڭ ئىرانغا قارشى ئىشلىتىشىگە يول قويمايدىغانلىقىنى ئېلان قىلغان بولسىمۇ، رايوندىكى ئۆزگىرىشلەرنىڭ يەنىلا يېقىندىن كۆزىتىلىۋاتقانلىقىنى ئەسكەرتكەن.
ئابدۇللاھى رايوندىكى ھەربىي بازىلاردا، بولۇپمۇ ھاۋادا يېقىلغۇ تولۇقلاش ئايروپىلانلىرىنى ئۆز ئىچىگە ئالغان نۇرغۇنلىغان ئامېرىكا ھەربىي ئايروپىلانلىرىنىڭ بولۇشى، ساھىبخان دۆلەتلەرنىڭ خەۋىرىسىز ئەمەلگە ئېشىشىنىڭ مۇمكىن ئەمەسلىكىنى بىلدۈرگەن.
ئۇ ئامېرىكاغا بېرىلىشى مۇمكىن بولغان ياردەملەر ھەققىدە رايون دۆلەتلىرىگە ئاگاھلاندۇرۇش بېرىپ: «ئامېرىكانىڭ تاجاۋۇزچى ئارمىيەسىگە قىلىنغان ھەرقانداق ياردەم ۋە قولايلىق يارىتىپ بېرىش، ئامېرىكا ھەربىي كۈچلىرى بىلەن ھەمكارلاشقانلىق بولۇپ ھېسابلىنىدۇ» دېگەن.
ئابدۇللاھى يەنە رايون دۆلەتلىرىنىڭ ئىرانغا قىلىنغۇسى ھەربىي ھەرىكەتلەردە ئامېرىكاغا ھېچقانداق شەكىلدە ياردەم بەرمەسلىكى كېرەكلىكىنى تەكىتلىگەن.
