ئىسرائىلىيە ئارمىيەسىنىڭ 2023-يىلى ئۆكتەبىردىن بۇيان غەززە رايونىغا قاراتقان ھۇجۇملىرىدا ھاياتىدىن ئايرىلغانلارنىڭ سانى 73 مىڭ 399 غا يەتتى.
غەززەدىكى سەھىيە مىنىستىرلىقى تەرىپىدىن ئېلان قىلىنغان يازما باياناتتا، ئىسرائىلىيەنىڭ غەززەگە قاراتقان ھۇجۇملىرىدا كۆرۈلگەن تالاپەتلەرگە مۇناسىۋەتلىك ئەڭ يېڭى سانلىق مەلۇماتلار ئېلان قىلىندى.
يېقىنقى 48 سائەت ئىچىدە غەززەدىكى دوختۇرخانىلارغا 5 جەسەت ۋە 18 يارىدارنىڭ كەلتۈرۈلگەنلىكى قەيت قىلىنغان باياناتتا، جەسەتلەردىن ئىككىسىنىڭ يېڭى ھۇجۇملاردا ھاياتىدىن ئايرىلغانلارغا، ئۈچىنىڭ بولسا خارابىلىكلەر ئاستىدىن چىقىرىلغانلارغا تەۋە ئىكەنلىكى ئەسكەرتىلدى.
غەززەدە ئۇرۇش توختىتىش كېلىشىمى يولغا قويۇلغان 2025-يىلى 10-ئۆكتەبىردىن بۇيان ئىسرائىلىيەنىڭ ھۇجۇملىرىدا 1 مىڭ 265 كىشىنىڭ ھاياتىدىن ئايرىلغانلىقى، 4 مىڭ 198 كىشىنىڭ يارىلانغانلىقى، خارابىلىكلەر ئاستىدىن بولسا 813 كىشىنىڭ جەسىتىنىڭ چىقىرىلغانلىقى بىلدۈرۈلدى.
ئىسرائىلىيەنىڭ 2023-يىلى ئۆكتەبىردىن بۇيان غەززە رايونىغا قاراتقان ھۇجۇملىرىدا ھاياتىدىن ئايرىلغانلارنىڭ 73 مىڭ 399 غا، يارىلانغانلار سانىنىڭ 174 مىڭ 310 غا يەتكەنلىكى بايان قىلىندى.
غەززە رايونىدا خارابىلىكلەر ئاستىدا يەنىلا مىڭلىغان جەسەتنىڭ بارلىقى ئىلگىرى سۈرۈلمەكتە.
