ئىران ئىنقىلابىي مۇھاپىزەتچىلەر قىسمىنىڭ مۇئاۋىن قوماندانى يەدۇللاھ جەۋانى، دۆلەت تېلېۋىزىيەسىگە قاراشلىق «ياش مۇخبىرلار كۇلۇبى» نىڭ زىيارىتىنى قوبۇل قىلغاندا، رايوندىكى ۋەزىيەتكە مۇناسىۋەتلىك بايانات بەردى.
جەۋانى باياناتىدا، نۆۋەتتىكى ئۇرۇشنىڭ ئۆتكەن يىلى ئىيۇن ئېيىدا پاكىستاندا ئامېرىكا بىلەن ئىمزالانغان رامكا كېلىشىمى ئاساسىدا ئاخىرلىشىشى كېرەكلىكىنى تەكىتلىدى. ئۇ يەنە، ھورمۇز بوغۇزىنىڭ پەقەت ئامېرىكا مەزكۇر كېلىشىمدىكى ۋەدىلىرىنى تولۇق ئادا قىلغاندىن كېيىنلا ئېچىلىدىغانلىقىنى ئەسكەرتىپ: «ھورمۇز بوغۇزى ۋە ئۇ يەردە كۈچكە ئىگە بولغان نۆۋەتتىكى تەرتىپ، ھەرگىزمۇ ئۇرۇشتىن بۇرۇنقى ھالىتىگە قايتمايدۇ» دېدى.
ھورمۇز بوغۇزىنىڭ كەلگۈسى ئورنى توغرىسىدىكى مۇنازىرىلەر ئۈستىدىمۇ توختالغان جەۋانى، بۇ بوغۇزنى پەقەت ئىران بىلەن ئومان ئوتتۇرىسىدىكى بىر سۇ يولى سۈپىتىدىلا بىر تەرەپ قىلىش مەسىلىسىنىڭ پەقەت ئۇرۇشنىڭ ئاخىرلاشقانلىقى تولۇق جەزملەشتۈرۈلگەندىن كېيىن ئاندىن كۈنتەرتىپكە كېلىدىغانلىقىنى تىلغا ئالدى.
