ئەنگلىيە دېڭىز سودا ئىشلىرى ئىدارىسى تەرىپىدىن ئېلان قىلىنغان باياناتتا، ھورمۇز بوغۇزىدا بىر پاراخوتنىڭ نامەلۇم بىر جىسىم تەرىپىدىن ئوققا تۇتۇلغانلىقى، ھۇجۇم نىشانىنىڭ پاراخوتنىڭ موتور خانىسى ئىكەنلىكى بىلدۈرۈلدى.

ئىگىلىنىشىچە، پاراخوت خادىملىرى ئارىسىدا جانغا زامىن بولۇش ۋە يارىلىنىش ئەھۋاللىرى كۆرۈلگەن. ھازىرچە تالاپەتكە ئۇچرىغانلارنىڭ بىر قىسمى ئومان ساھىل بىخەتەرلىك ئەترەتلىرى تەرىپىدىن قۇتقۇزۇلماقتا. نۆۋەتتە دائىرىلەر ۋەقەنىڭ كۆلىمى ۋە تەپسىلاتلىرىنى ئېنىقلاش ئۈچۈن تەكشۈرۈش ئېلىپ بارماقتا.