ئىراننىڭ يېرىم رەسمىي ئىسنا (ISNA) خەۋەر ئاگېنتلىقىنىڭ خەۋىرىگە ئاساسلانغاندا، تاشقى ئىشلار مىنىستىرى ئاراقچى تۈرلۈك دۆلەتلەر بىلەن ئېلىپ بېرىۋاتقان دىپلوماتىك مەسلىھەتلىشىش زىيارەتلىرى دائىرىسىدە يېتىپ بارغان خىتاينىڭ پايتەختى بېيجىڭدا، مەنسەپدىشى ۋاڭ يى بىلەن سۆھبەت ئۆتكۈزگەن.
ئىككى دۆلەت مۇناسىۋىتى بىلەن بىرگە رايون ۋە يەر شارى خاراكتېرلىك ئۆزگىرىشلەر مۇزاكىرە قىلىنغان كۆرۈشۈشتە، ئاراقچى خىتاينىڭ ئامېرىكا-ئىسرائىلىيەنىڭ تاجاۋۇزچىلىقىغا قارىتا تۇتقان پوزىتسىيەسىدىن خۇشال بولغانلىقىنى بىلدۈرگەن.
خىتاينى ئىراننىڭ يېقىن دوستى دەپ سۈپەتلىگەن ئاراقچى، نۆۋەتتىكى شارائىت ئاستىدا ئىككى دۆلەت ئوتتۇرىسىدىكى ھەمكارلىقنىڭ تېخىمۇ كۈچىيىدىغانلىقىنى تەكىتلىگەن.
ئاراقچى ئامېرىكا بىلەن بولغان ئۇرۇشنى ئاخىرلاشتۇرۇش ئۈچۈن ۋاسىتىچىلەر ئارقىلىق داۋاملىشىۋاتقان ئۇچۇر ئالماشتۇرۇشلار ھەققىدە توختىلىپ، مۇنۇلارنى قەيت قىلدى:
.jpg?width=720&format=webp&quality=80)
.jpg?width=128&format=webp&quality=80)
«بىز پەقەت ئادىل ۋە ئەتراپلىق بىر كېلىشىمنىلا قوبۇل قىلىمىز. بىزگە قارشى قوزغالغان ئۇرۇش ئاشكارا بىر تاجاۋۇزچىلىق قىلمىشى ۋە خەلقئارا قانۇننىڭ رەسمىي دەپسەندە قىلىنىشىدۇر. سۆھبەتلەردە قانۇنىي ھوقۇق-مەنپەئەتلىرىمىزنى قوغداش ئۈچۈن قولىمىزدىن كېلىشىچە تىرىشچانلىق كۆرسىتىمىز.»
خىتاي تاشقى ئىشلار مىنىستىرى ۋاڭ يى بولسا ئامېرىكا-ئىسرائىلىيەنىڭ ئىرانغا قارشى ئېلىپ بېرىۋاتقان ئۇرۇشىنىڭ ناتوغرا ۋە قانۇنسىز ئىكەنلىكىنى بىلدۈرۈپ، ئۇرۇشنى تولۇق ئاخىرلاشتۇرىدىغان ئومۇميۈزلۈك ئۇرۇش توختىتىشنىڭ ئىشقا ئاشۇرۇلۇشى لازىملىقىنى تەكىتلىدى.
ئىسنا خەۋەر ئاگېنتلىقىنىڭ خەۋىرىگە قارىغاندا، ۋاڭ يى مۇنداق دېگەن: «بىز جىددىيچىلىكنى پەسەيتىش تىرىشچانلىقىمىزنى داۋاملاشتۇرۇشقا تەييارمىز. تولۇق بىر ئۇرۇش توختىتىشنىڭ ئىشقا ئاشۇرۇلۇشى زۆرۈر ۋە مۇقەررەردۇر. رايون ھالقىلىق بىر بۇرۇلۇش نۇقتىسىنى باشتىن كەچۈرمەكتە، شۇڭا ئىككى تەرەپ ئوتتۇرىسىدا بىۋاسىتە سۆھبەت ئۆتكۈزۈلۈشى شەرت.»
