«ۋول سترىت ژۇرنىلى» گېزىتىنىڭ ئىسىملىرىنى ئاشكارىلاشنى خالىمىغان ئامېرىكالىق ئەمەلدارلارنى مەنبە قىلغان خەۋىرىدە، ترامپنىڭ نويابىر ئېيىدىكى ئوتتۇرا مەزگىللىك سايلامدىن كېيىن ئىرانغا قارىتىلغان ھۇجۇملارنى قايتىدىن باشلاشنى ئويلىشىۋاتقانلىقى ئىلگىرى سۈرۈلدى.
خەۋەردە ئامېرىكالىق مەنبەلەرگە ئاساسەن، ترامپنىڭ ئىراننىڭ 7 كۈنلۈك ئۇرۇش توختىتىش تەكلىپىنى رەت قىلغانلىقى ۋە ياردەمچىلىرىگە ئوتتۇرا مەزگىللىك سايلامدىن كېيىن ئىرانغا قارىتىلغان ھۇجۇملارنى قايتىدىن باشلاشنى كۈتۈۋاتقانلىقىنى ئېيتقانلىقى بىلدۈرۈلدى.
ترامپنىڭ «چوڭ كۆلەملىك ئۇرۇش ھەرىكەتلىرىنى قايتىدىن باشلاشقا خالىمايدىغانلىقى» ئىلگىرى سۈرۈلگەن خەۋەردە، بۇنىڭ قىسمەن ھالدا ئامېرىكانىڭ ئازىيىۋاتقان ئوق-دورىلىرىنى يۈز بېرىش ئېھتىمالى بولغان باشقا ئەھۋاللار ئۈچۈن ساقلاپ قېلىشنى خالىشىدىن كېلىپ چىققانلىقى قەيت قىلىندى.
ئىران تاشقى ئىشلار مىنىستىرى ئابباس ئاراقچى، ھورمۇز بوغۇزىنىڭ كېمە قاتنىشىغا ئېچىلىشى ئۈچۈن مۇرەسسەچىلەر ئارقىلىق ئامېرىكاغا 7 كۈنلۈك «ئېنىق» بىر پىلان سۇنغانلىقىنى بىلدۈرۈپ، قارار قىلىش ھوقۇقىنىڭ ۋاشىنگتونغا ئائىت ئىكەنلىكىنى ئېيتقان ئىدى.
