موسكۋا شەھەر باشلىقى رۇسىيە ھاۋا مۇداپىئە قىسىملىرى چارشەنبە (2026-يىلى 2-ئاۋغۇست)  كۈنى كېچىدە موسكۋاغا قاراپ ئۇچقان 37 دانە ئۇچقۇنى پاچاقلاپ تاشلىغانلىقىنى بىلدۈردى.

شەھەر باشلىقى سېرگېي سوبيانىن يېرىم كېچىدىن كېيىن ئېلان قىلغان باياناتىدا، مۇداپىئە مىنىستىرلىقىغا قاراشلىق ھاۋا مۇداپىئە كۈچلىرىنىڭ ئۇچقۇلارنى مۇۋەپپەقىيەتلىك ئېتىپ چۈشۈرگەنلىكىنى بىلدۈردى. بۇ  ئۇچقۇلار ئارقا-ئارقىدىن 10، 17 ۋە 10 دانىدىن تەركىب تاپقان گۇرۇپپىلار بويىچە ئېتىپ چۈشۈرۈلگەن.

ئۇ جىددىي قۇتقۇزۇش ئەترەتلىرىنىڭ ئۇچقۇ قالدۇقلىرى چۈشكەن ئورۇنلارغا يېتىپ بېرىپ، ئۇچقۇ پارچىلىرىنىڭ چۈشۈشى سەۋەبىدىن كېلىپ چىققان ۋەقەلەرنى بىر تەرەپ قىلىۋاتقانلىقىنى ئېيتتى.

ئەمەلدارلار ھۇجۇمنىڭ تەسىرىگە ئائىت تەپسىلاتلارنى ئېلان قىلمىغانلىقى ئۈچۈن، ئۇچقۇ قالدۇقلىرىنىڭ ئادەم ئۆلۈم-يېتىم ياكى بىنالارنىڭ زىيانغا ئۈچراش ئەھۋاللىرىنى كەلتۈرۈپ چىقارغان-چىقارمىغانلىقى تېخىچە ئېنىق ئەمەس.

ئۇكرائىنا تەرەپ بۇ ئۇچقۇلارنى قويۇپ بەرگەنلىكى ھەققىدە تېخىچە رەسمىي بايانات ئېلان قىلمىدى.

بۇ ھۇجۇم، رۇسىيە-ئۇكرائىنا ئۇرۇشى بەشىنچى يىلىغا قەدەم قويغان، يىراق مۇساپىلىق باشقۇرۇلىدىغان بومبا ۋە ئۇچقۇ ھۇجۇملىرى  كۈچەيگەن، ھەر ئىككى تەرەپ تىرىكىشىۋاتقان بىر ۋاقىتتا يۈز بەردى.

مۇناسىۋەتلىك ئۇچۇرلارTRT World - Ukraine peace talks remain on hold, with no 'new ideas' floated: Russia