CNN نىڭ ژۇرنىلىستى ماورى يازغان ماقالىدە، ئىستانبۇل ئايرودورۇمىنىڭ يەرشارىۋى ئاۋىياتسىيە ساھەسىدىكى ئالدىنى توسۇپ بولمايدىغان ئۆرلەش سۈرئىتىنى تەھلىل قىلىندى. ماقالىدە، ئىستانبۇل ئايرودورۇمىنىڭ غايەت چوڭلۇقى، تۈرك ھاۋا يوللىرى (THY) شىركىتىنىڭ يەرشارىۋى ئۇچۇش تورى ۋە ياۋروپادىكى رەقىبلىرىگە قارشى ئىگە بولغان مەشغۇلات ئەركىنلىكى تەكىتلەندى.
ئىستانبۇلنىڭ تارىخىي يىپەك يولىدىن بۇيان ھەمىشە ئاچقۇچلۇق سودا مەركىزى بولغانلىقىغا تەكىتلەپ، 21-ئەسىردە ئىستانبۇل ئايرودورۇمىنىڭ ئاسمان بوشلۇقىغا ھۆكۈمرانلىق قىلىۋاتقانلىقى بىلدۈرۈلدى.
يەرشارىۋى سەياھەت سانلىق مەلۇمات تەمىنلىگۈچىسى OAG تەييارلىغان «Megahubs 2026» كۆرسەتكۈچىگە ئاساسلانغاندا، ئىستانبۇل ئايرودورۇمى لوندون ھېترونى ئارقىدا قالدۇرۇپ دۇنيا بويىچە ئەڭ ياخشى ئۇلىنىش ئىقتىدارىغا ئىگە ئايدورۇمغا ئايلانغان.
تىزىملىكتە ئامستېردام شىپخول ئۈچىنچى، كۇالا لۇمپۇر تۆتىنچى ۋە چىكاگو بەشىنچى ئورۇننى ئالدى.
مانخاتتەندىنمۇ چوڭ بىر مەيدان
ماورى ماقالىسىدە، 2018-يىلى ئېچىلغان 12 مىليارد دوللارلىق ئيرودورۇمنىڭ تېز ۋە ئۈنۈملۈك بىر سۈرئەتكە ئېرىشكەنلىكىنى بىلدۈردى.
بىر تۇتاش 1 مىليون 400 مىڭ كۋادرات مېتىرلىق تېرمىنالنىڭ دۇنيا بويىچە ئەڭ چوڭ ئىكەنلىكى، 76 مىليون 500 مىڭ كۋادرات مېتىرلىق ئومۇمىي مەيداننىڭ بولسا مانخاتتەندىنمۇ چوڭ ئىكەنلىكى تەكىتلەندى.
ھەر يىلى 84 مىليوندىن ئارتۇق يولۇچىغا مۇلازىمەت قىلىدىغان ئىستانبۇل ئايرودورۇمىنىڭ ئۇزۇن مۇددەتلىك نىشانىنىڭ، سىغىمچانلىقىنى يىلىغا 200 مىليون يولۇچىغا يەتكۈزۈش ئىكەنلىكىگە دائىر ئۇچۇرلار ئورتاقلاشتى.
كەلگۈسى يىللاردا رەقىبسىز قالىدۇ
ماقالىدە قاراشلىرىغا ئورۇن بېرىلگەن OAG باش ئانالىستى جون گرانت ئىستانبۇل ئيرودورۇمىنىڭ بىرىنچى ئورۇندا ئىكەنلىكىنى ۋە ئىگە بولغان ئۇچۇش يولى (پىست) سىغىمچانلىقى، تۈرك ھاۋا يوللىرىنىڭ مۇۋەپپەقىيىتى شۇنداقلا ئوتتۇرا ئاسىياغا ئوخشاش تەرەققىي قىلىۋاتقان بازارلارغا يېقىنلىقى سايىسىدا كەلگۈسى يىللاردا رەقىبسىز بولىدىغانلىقىنى ئېيتتى.
جون گرانت ئىستانبۇل ئايرودورۇمى باش ئىجرائىيە ئەمەلدارى (CEO) نىڭ قولغا كەلتۈرۈلگەن بۇ مۇۋەپپەقىيەتىنىڭ يەرشارىۋى بىر ئاۋىياتسىيە مەركىزى سۈپىتىدە بەرپا قىلغان ئورنىنى ئەكس ئەتتۈرىدىغانلىقىنى بىلدۈرۈپ، نۆۋەتتە دۇنيا مىقياسىدا تەخمىنەن 350 نۇقتىغا مۇلازىمەت قىلىۋاتقانلىقلىرىنى ۋە تېخىمۇ كۆپ چوڭىيىدىغانلىقىنى ئىپادىلىدى.
