جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى جۇمھۇر رەئىس ئەردوغاننىڭ ياپونىيە باش ۋەزىرى تاكايىچى بىلەن تېلېفوندا كۆرۈشكەنلىكىنى ئۇقتۇردى.
رەھبەرلەر سۆھبەت جەريانىدا تۈركىيە – ياپونىيە مۇناسىۋەتلىرى، شۇنداقلا رايونلۇق ۋە خەلقئارالىق مەسىلىلەرنى مۇزاكىرە قىلدى.
جۇمھۇر رەئىس ئەردوغان كۆرۈشۈشتە تۈركىيەنىڭ ياپونىيە بىلەن بولغان مۇناسىۋەتلىرىنى، جۈملىدىن دۆلەت مۇداپىئە سانائىتى، سېلىنما ۋە سودا قاتارلىق ھەرقايسى ساھەلەرنى تېخىمۇ تەرەققىي قىلدۇرۇش ئۈچۈن داۋاملىق تىرىشچانلىق كۆرسىتىدىغانلىقىنى بىلدۈردى.
جۇمھۇر رەئىس تۈركىيەنىڭ ئىران بىلەن ئامېرىكا قوشما ئىشتاتلىرى ئوتتۇرىسىدىكى توقۇنۇشلارنى ھەل قىلىشنىڭ بىردىنبىر يولىنىڭ سۆھبەت ئۆتكۈزۈش ئىكەنلىكىنى، ئۇزۇن مۇددەتلىك تىنچلىق ۋە مۇقىملىق ئۈچۈن دىپلوماتىك تىرىشچانلىقلارنى قوللايدىغانلىقىنى تەكىتلىدى.
جۇمھۇر رەئىس ئەردوغان سۆھبەتتە يەنە كۇماماتودا ئالدىنقى ئايدا يۈز بەرگەن يەر تەۋرەشتە ھاياتىدىن ئايرىلغانلار ئۈچۈن ياپونىيە باش ۋەزىرى تاكايىچىغا يەنە بىر قېتىم تەزىيە بىلدۈردى.
