يونخاپ ئاگېنتلىقىنىڭ جەنۇبىي كورېيە پارلامېنت ئەزالىرىنىڭ سۆزىگە تايىنىپ خەۋەر قىلىشىچە، جەنۇبىي كورېيە ئارمىيەسى دۆلەت مەجلىسىگە مەخسۇس دوكلات سۇنۇپ بۇ ئەھۋالنى مەلۇم قىلغان.
خەۋەردە تەكىتلىنىشىچە، شىمالىي كورېيە 2024-يىلىدىن باشلاپ چېگرا مۇداپىئە قۇرۇلۇشلىرىنى كۆرۈنەرلىك دەرىجىدە كۈچەيتمەكتە. بۇ جەرياندا، جەنۇبىي كورېيە ئارمىيەسى شىمالىي كورېيە ئەسكەرلىرىنىڭ ئىككى دۆلەت ئوتتۇرىسىدىكى ھەربىي ئايرىش سىزىقى (MDL) بويىدىكى ھەرىكەتلىرىنى كۆپەيتكەنلىكىنى سەزگەن بولۇپ، جۈملىدىن تىكەنلىك سىم تور تارتىش، مىنا كۆمۈش ۋە تانكىغا قارشى قورال-ياراغلارنى سەپلەش قاتارلىق پائالىيەتلەرنىڭ قويۇقلاشقانلىقىنى بايقىغان.
بەزى ھەربىي مۇتەخەسسىسلەرنىڭ مۆلچەرلىشىچە، نۆۋەتتە ئىككى دۆلەتنى ئايرىپ تۇرىدىغان ھەربىيسىزلەشتۈرۈلگەن رايون (DMZ) بويىدا، جەنۇبىي كورېيە تەرەپ كۆمگەن مىنالارنىمۇ قوشقاندا، جەمئىي ئىككى مىليوندىن ئارتۇق قۇرۇقلۇق مىناسى بار ئىكەن.
