ئىراننىڭ غەربىي ئەزەربەيجان ۋىلايىتىگە قاراشلىق سەلىماس شەھىرىدە يۈز بەرگەن كەلكۈن ئاپىتىدە 2 كىشى ھاياتىدىن ئايرىلدى، 2 كىشى يوقاپ كەتتى.
تەسنىم ئاخبارات ئاگېنتلىقىنىڭ خەۋىرىگە قارىغاندا، غەربىي ئەزەربەيجان قىزىلئاي جەمئىيىتىنىڭ مەسئۇلى ھامىد مەھبۇبى سەلىماس شەھىرىدە كەلكۈن ئاپىتى يۈز بەرگەنلىكىنى بىلدۈردى.
مەھبۇبى، دەسلەپكى مۆلچەرلەرگە ئاساسلانغاندا ئاپەتنىڭ ئەڭ كۆپ سەلىماس شەھىرىگە قاراشلىق كانىيان يېزىسىغا ئېغىر تەسىر كۆرسەتكەنلىكىنى ئەسكەرتىپ، كەلكۈن سەۋەبىدىن 2 كىشىنىڭ ھاياتىدىن ئايرىلغانلىقىنى، 2 كىشىنىڭ يوقاپ كەتكەنلىكىنى بىلدۈردى.
يېزىدىكى 17 ئۆينىڭ زىيانغا ئۇچرىغانلىقىنى ۋە 78 كىشىنىڭ ئاپەتنىڭ تەسىرىگە ئۇچرىغانلىقىنى ئېيتقان مەھبۇبى، ۋەقەدە 6 كىشىنىڭ يارىلانغانلىقىنىمۇ سۆزلىرىگە ئىلاۋە قىلدى.
