ئانتارا ئاگېنتلىقىنىڭ خەۋىرىگە قارىغاندا، ھىندونېزىيە دۆلەتلىك ئاپەت باشقۇرۇش ئىدارىسى 15-ئاۋغۇست كۈنى فلورېس رايونىدا يۈز بەرگەن 7.7 بال يەر تەۋرەشكە مۇناسىۋەتلىك ئەڭ يېڭى سانلىق مەلۇماتلارنى ئېلان قىلغان. ئىدارە مەسئۇلى بېرتون پانجايتان يەر تەۋرەشتە قازا قىلغانلار سانىنىڭ 71 گە يەتكەنلىكىنى جەزملەشتۈرۈپ: «ھۆكۈمەتكە ۋاكالەتەن ھاياتىدىن ئايرىلغانلارنىڭ يېقىن – يورۇقلىرىغا چىن دىلىمىزدىن تەزىيە بىلدۈرىمىز» دېگەن.
مەزكۇر رايوندا يۈز بەرگەن قاتتىق يەر تەۋرەشتىن كېيىن، ئەڭ چوڭى 6.2 بال بولغان كەم دېگەندە 235 قېتىم قالدۇق يەر تەۋرەش يۈز بەرگەن. ئۇنىڭدىن باشقا، شىمالىي سۇماترا ئىشتاتىدىكى پېماتاڭسىيانتار شەھىرى ئەتراپىدىمۇ 6.9 بال يەر تەۋرەپ، زور تالاپەتلەرنى ئېلىپ كەلگەن.
ئاپەتتە 900 دىن ئارتۇق ئۆي پۈتۈنلەي ۋەيران بولغان، 1300 دىن كۆپ ئۆي زىيانغا ئۇچرىغان. 5 مىڭغا يېقىن كىشى ۋاقىتلىق پاناھلىنىش ئورۇنلىرىغا ئورۇنلاشتۇرۇلغان. تاغ گۈمۈرۈلۈپ چۈشۈش ۋەقەلىرى سەۋەبىدىن، فلورېس رايونىدىكى ئولتۇراق رايونلارنى بىر-بىرىگە تۇتاشتۇرىدىغان 700 كىلومېتىرلىق تاشيولنىڭ بىر قىسىم بۆلەكلىرى تاقىلىپ قالغان.
