مېكسىكانىڭ كوئاخۇئىلا ئىشتاتىدىكى بىر تولۇقسىز ئوتتۇرا مەكتەپتە، سابىق ئوقۇغۇچىلار تەرىپىدىن ئېلىپ بېرىلغانلىقى ئىلگىرى سۈرۈلگەن ھۇجۇمدا مۇئاۋىن مۇدىر ھاياتىدىن ئايرىلدى.
«Mexico News Daily» نىڭ يەرلىك دائىرىلەرنىڭ باياناتىنى مەنبە كۆرسىتىپ ئېلان قىلغان خەۋىرىگە قارىغاندا، كوئاخۇئىلا ئىشتاتىنىڭ توررېئون شەھىرىدىكى بىر تولۇقسىز ئوتتۇرا مەكتەپكە تۈنۈگۈن پىچاق ۋە پارتلاتقۇچ بۇيۇملار بىلەن ھۇجۇم قىلىنغان.
ھۇجۇمدا مەكتەپ مۇدىرىنىڭ مۇئاۋىنى ھاياتىدىن ئايرىلغان، ئوقۇغۇچىلارنىمۇ ئۆز ئىچىگە ئالغان ئۈچ كىشى يارىلانغان.
ۋەقەنى سادىر قىلغۇچىلار دەپ قارالغان، مەكتەپنىڭ سابىق ئوقۇغۇچىلىرى بولغان 18 ياشلىق قوشكېزەك ئاكا-ئۇكا قولغا ئېلىنغان.
